Bernameyê Festîvalê Kulturê Dêrsimî yê Ewrûpayî eşkera bi

Nûçeyên Diaspora

pêncşem 26 gulanê 2022 - 16:40

Festîval hetê 3 dezgeyanê Elewîyan ra yeno viraştene. Bernameyê festîvalî ameyo eşkerakerdiş.

Festîvalê Kulturê Dêrsimî yê Ewrûpayî 2020î de pandemî ver nêamebi viraştene. Festîval do emser 3-4ê Hezîrane de reya 12ine Frankfurtî de bêro viraştene. Festîval emser seba yadkerdişê Elîşêr Efendî, Zarîfe Xatune û şehîdanê terteleyê Dersimî yeno viraştene. 

Bernameyê Festîvalî

Roja verêne do bi panelê ‘Tertele Dewam Keno’yî bêra dest pêkerdiş. Saete 20.00 de do cem bêro girêdayîş.

4ê Hezîrane de do belgefîlma Devrîm Tekînoglûyî ya ‘Vêşnayîşê Dewanê Dêrsimî’ bêra mojnayene. Saete 13.00 de do bi xeylê mêmanan programê qiseykerdişan bêro dest pêkerdiş. 

Dima Koma Muzîkî ya Steraye, Koma Munzir, Mikaîl Aslan, Beser Şahîn, Dogan Çelîk, Lale Koçgun, Levent Ozdemîr û Serhat Med do vejîyê sehneyî ser û deyîranê xo vajê. 

Festîvalî de do kulturê Dêrsimî ra; Varvara, Gaxan û Veyveyê Dêrsimî zî bêrê viraştene. Nînan ra teber, festîval de Xeyma Nuştoxan û Pêşengeya Resiman zî ca genê.

FRANKFURT

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.