Bi Îdareyê Xoserî kulturê Ermenîyan beno gande

• Ermenîyê Bakur û Rojhelatê Sûrîyeyî kursan de ziwanê xo musenê.

HENAR ÎBRAHÎM / ANHA / HESEKÊ

Ermenîyê Bakur û Rojhelatê Sûrîyeyî kursan de ziwanê xo musenê.

Meclîsa Komela Ermenîyan a Bakur û Rojhelatê Sûrîyeyî aşma Hezîrane de kursê Ermenîkî yê verênî akerdê. Nê kursan de Ermenîyî ziwanê xo musenê. Kurdî do 3 aşmî biramê û roje de do 4 saetî dersî bêrê dayene. Nika 25 kesan dest bi nê kursan kerdo.

‘Kursê Ermenîkî seba ma zaf muhîm ê’

Kursîyeran ra Patîl Girîgore va, “Nê kursî seba kultur û ziwanê Ermanîyan zaf muhîm ê. Ma verî cû înan ra mehrûm bî. Ma zî wazenê sey şaranê bînan ziwanê xo qisey bikerê. Coka ma zaf keyfweş ê.”

‘Ma kulturê xo newe ra gande kenê’

Kursîyerêko bîn Hayik Sosîyanî va, “Ma reya verêne beşdarê kursanê ziwanê xo benê. Bi saya Îdareyê Xoserî yê Bakur û Rojhelatê Sûrîyeyî ma do ziwanê xo bimusê. Ermenîyî raştê qirkerdişî ameyê, Sûrîye de zî raştê polîtîkayanê nîjadperestan ameyê û ziwan û kulturê Ermenîyan vîndî bîyê. Ma nika kulturê xo newe ra gande kenê.”

Bi mîlyonan Ermenîyî qetil bîyê

Ermenîyî jenosîdê 1915î sey destpêkê qetlîamî vînenê. Bi mîlyonan Ermenîyî surgin bîyê. 250 roşnvîrê Ermenîyan hetê Tirkan ra Îstanbûl de ameybî qetilkerdiş û prosese qetlîamî dest pêkerdibi. Tena Ermenîyî ney, Asûrî û Sûryanîyî zî ameyê qetilkerdiş. 

Wendekarê kursanê Ernenîkî vanê; “Ma wazenê Îdareyê Xoserî yê Bakur û Rojhelatê Sûrîyeyî de Ermenîkî biba resmî.

Şorişê 19ê Temûze 2012î de û dima zî Ermenîyan xoverdayîşî de cayê xo girewt. Înan cebheyan de sey şaranê bînan şer kerd. Nika Ermenîyî zî sey şaranê bînan îdareyê xoserî de bi aktîf ca gene.”