DFG: Wa dewayê rojnamegeran bikewê

DFGyî waşt ke wa rojnamegerê girewteyî tehlîye bibê û dewayê ke derheqê rojnamegeran de ameyê akerdene bikewê.

Komeleya Rojnamegeran a Dîcle Firatî (DFG), derheqê ‘qanûnê sansurî’ û dewayanê rojnamegeran de eşkerayîye kerde. Ame dîyarkerdiş ke mehkemaya dîyine ya rojnamegerê ke 13 aşmî girewte mendibî do meşte bêra kerdene. Reyna ame dîyarkerdiş ke mehkemayê mudira JINNEWSî Safîye Alagaşe û rojnameger Mîkaîl Barûtî zî do meşte Amed de bêrê kerdene. 

‘Wa dewayî bikewê’

Eşkerayîye de ame vatene ke, “Roje çin a ke derheqê rojnamegeran de dewayî meyerê akerdene. Wazenê vengê rojnamegeran bin ê dewayan bibirnê. Ganî rojnamegerî bieşkê karê xo bikerê. Na bêhiqûqîye ganî biqedîya û ganî rojnamegerê girewteyî cade tehlîye bibê. Dewayê ke derheqê rojnamegeran de ameyê akerkene zî ganî bikewê. Eke nîya mebo ma nêşkenê sîstemêkî hiqûqî ra behs bikerê.

Ma do meştê bibê teqîbkarê nê dewayan. Ma do edlîya de hetê embazanê xo de ca bigerê. Ganî raya pêroyîye na mesele de xesas têbigêra û rojnamegeran tena meverda. Sewbîna ma pêro rojnamegeran rê gazîye kenê ke wa bêrê û paştî bidê hemkeranê xo. Nika ‘qanûnê sansurî’ Mehkemeya Qanûnê Bingeyî de ya û ma pawenê ke mehkema îradeyê xo ramojna û ma nê polîtîkayanê tedayan qebûl nêkenê.”

MA / AMED