Kitabê Îlhan Samî Çomakî  do bivejîyo

• Kitabê Îlhan Samî Çomakî yo ke 27 serran ra nat hepis de yo, 14ê Çeleyî de  weşanxaneyê Motos Kitabî ra do  bivejîyo. 

Kitabê Îlhan Samî Çomakî yo ke 27 serran ra nat hepis de yo, 14ê Çeleyî de  weşanxaneyê Motos Kitabî ra do  bivejîyo. 

Malûmatê ke derheqê kitabî de ameyê dayene nê yê: “Kitabê şîîran yê Îlhan Samî Çomakî ‘Axirî ma cuwîyenê’, pê na riste dest pê keno; ‘çike mi bere tîya ra, mi zaf çîyî dîyê’. Şîîra xo ya ‘Azadî’ de şaîr, gamanê şîyayîşî ser sereyê xo dejneno. Kitab bi şîîra ‘Ez zaf Bîya Têşan’ û bi ristaya ‘Cuye, ez to ra zaf hes kena..!’yî qedîyeno. Çomak pê şîîranê xo hepis ra fîrar keno û beno mêmanê kaînatî. Şîîrê nê kitabî manenê şîîranê înan yê verênan la hetêk ra rayîrêko newe zî xo rê peyda kenê.” 

New kitabê şîîran

Îlhan Samî Çomak, 27 serran ra nat neheqîyan ver hepis de yo. Ma yewbînan de pê şîîran hasbîhal kenê. Çi hêze beno wa bibo, çîyêk nêşkeno şaîrêk hepis de tepişo. Şaîr sey çemêkî rikdarî koyan ra, deştan ra, bajaran ra vîyareno û yeno zerra ma de beno têmîyan. Îlhan Samî Çomak, pê kitabê xo yê ‘Axirî Ma Cuwîyenê’ raywanîya xo derge keno.

MERKEZÊ XEBERAN