Qedexeyê pêvînayîşê Ocalanî hîrêna aşmî ame dergkerdiş

duşem 27 hezîranê 2022 - 16:47

  • Hetê awiqatanê Ocalan ra ame eşkerakerdiş ke, 31ê Gulane de cezaya dîsîplînî ver qedexeyê pêvînayîşî ameyo dergkerdiş.

ERGÎN ÇAGLAR / MA / ÎSTANBÛL

Qedexeyê pêvînayîşî yê serekê PKKyî Abdullah Ocalanî wextêk ra nat dewam keno. Hetê awiqatanê ey ra ame eşkerakerdiş ke, 31ê Gulane de cezaya dîsîplînî ver qedexeyê pêvînayîşî ameyo dergkerdiş.

Serekê PKKyî Abdullah Ocalan û çend hepsîyê bînî, Hepisxaneyê Îmraliyî yê Fyî de binê şertanê tecrîdî de yê. Buroya Hiqûqî ya Asrinî ra awiqatan seba heqê pêvînayîşî yê serekê PKKyî Abdullah Ocalan, Omer Hayrî Konar, Hamîlî Yildirim û Veysî Aktaşî 7ê Hez3irane de muraceatê Hakîmtîya Bûrsayî kerd. 

Hakîmtîye red kerdibi

8ê Hezîrane de cewab dîya muraceatê awiqatan û hakîmtîye va, “cezaya înan a dîsîplînî hema dewame kena’ û mucaceatê awiqatan ame redkerdiş. Awiqatan zî neye ser o 15ê Hezîrane de qerar rê îtîraz kerd.

Cezayêka newîye

Mehkema 23ê Hezîrane de cewab da îtîrazê awiqatan. Mehkema va, ‘Ocalan û hepsîyanê bînan 31ê Gulane de hîrêna aşmî cezaya dîsîplînî girewta’ û coka îtîraz ameyo redkerdiş. Awiqatanê Buroya Hiqûqî ya Asrinî va, “Nê cezayî bêhiqûq yenê dayene. Wazenê halê xebernêgirewtişî dewam bikero. Ma do muraceatanê xo yê hiqûqîyan biramnê.”

       

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.