Şêxmeqsûdî de belgefîlma Nûjiyan ameye ramojnayene

ARIF SILÊMAN / ANHA / HELEB

Belgefîlme hetê Hereketê Kevana Zêrîne û Şîrketa Derhênerîye ya Nujîyanî ra ameybî viraştene.

Belgefîlma Nûjiyan Mehlaya Şexmeqsûdî ya Helebî de ameye ramojnayene. Derhênera belgefîlme Jînda Asmêne, ramojnayîşê belgefîlme ra ver derheqê cuye û xoverdayîşê Şehîd Nûjiyan Erhane yê Koyanê Kurdistanî de qisey kerd.  Asmêne va, “Ma 2019î de dest bi belgefîlme kerd , ma 2021î de belgefîlme qedîna. Hedrekerdişê belgefîlme de şarê Şengal, Rojava û Mexmûrî xeylê paştî da ma. Ma înan rê zaf sipas kenê.”

Rojnamegere Nûjîyan Erhane seba teqîbkerdişê hêrîşêkî şîbîye Xanesora Şengalî. Tîya de hetê hêzanê PDKyî ra ameybî şehîdkerdiş.

Qiseykerdişan ra dima belgefîlme ameyê ramojnayene. Ramojnayîşî ra dima hetê beşdaran ra sloganê ‘Şehîdî nêmirenê’yî ameyê eştene.