Vengê ey wareyanê Îdirî ra zimeno

• Dengbêj Ersîn Adiyaman 5 serran ra nat kilaman vano û bi vengê xo her kesî keno heyranê xo.

HAKAN YALÇIN - MA / ÎDIR

Dengbêj Ersîn Adiyaman 5 serran ra nat kilaman vano û bi vengê xo her kesî keno heyranê xo.

Ersîn Adiyaman Îdir de Mehlaya Ozgurlukî de cuwîyeno. Ersîn 15 serre yo. Dengbêj Ersîn Îdir de zaf yeno sînayîş. Ersîn Adiyaman newroza emserî de vejîya sehne û kilamî vatê. Ersîn wisar ke ame keyeyê xo reyde vere xo dano Wareyê Xanêyî. Ersîn ware de heya payîz şiwanetî keno. 

Des serrîya xo ra nat kilaman vano

Ersîn Adiyaman vano, “Problemanê îdareyî ver ez nêşkaya biwanî. Seba ke ez paştî bidî keyeyê xo ez hamnanan şiwantî kena. Ez 10 serre bîya, pîyê mi mi rê telefonêk girewt. Ez telefon ra kilaman musaya û mi dest bi vatişî kerd. Ez hîna zêde kilamanê Şakiroyî ser xebitîyaya. Dima mi xeylê kilamê bînî zî ezber kerdê.”

‘Ez ziwanê xo ra zaf hes kena’

O wazeno rêça dengbêjanê pîlan ra şêro. Ersînî va, “Ez Kurdkî ra zaf hes kena. Ez wazena kulturê dengbejîye bimusî. Ma ganî wayîrê nê kulturî bivejîyê. Ez do timûtim kilaman vajê û vera asîmîlasyonan bibî cewab.” Pîyê Ersînî zî va, “Lajê ma wazeno muzîkî cde aver şêro la îmkanê ma kêmî yê. Ma hamnanan şonê ware. Vengê lajê mi zaf weş o. La çi heyf ke îdareyê ma hende baş nîyo û Îdir de cayêko winasî çin o ke tede xo aver bero. Tena lajê mi ney ganî her kes wayîrê kilamanê ma bivejîyo.”