Vera tecrîdî Nobeta Edaletî: Îmrali de hiqûq yeno qetilkerdiş

pêncşem 5 Çileyê 2023 - 16:03

  • Parlamenteranê HDPyî Nobeta Edaletî de va, “Tecrîdê îmraliyî wedarê, polîtîkayanê keyfîyan û îşkenceyan ra fek veradê.”

Nobeta Edaletî ya ke vera tecrîdî hetê parlamenteranê HDPyî ra yena girewtene roja xo ya 11ine de dewam kerde. Hetê parlamenteran ra vernîya Berê Dîkmenî de malûmatêk ame dayene.

Parlamenterê HDPyî yê Rihayî Nusrettîn Maçînî va, “Îmrali de hetê AKP-MHPyî ra konsepte şerî yeno ramitene. Hiqûq yeno qetilkerdiş. Wazenê pêro komelî bigerê binê teda û xoverdayîşê komelî çin bikerê û vengê merdiman bibirnê. Tecrîd ewro bandorê her warî kerdo.

Mîyanê ceza de ceza

Maçînî va, “Tecrîdo ke Îmrali de yeno ramitene, pêro muxalîfan ser de yeno ramitene. Bi tecrîdî mîyanê ceza de ceza yena ramitene. Girewteyo sîyasî û fikrî ganî bieşko fikranê xo perspektîfê xo yê polîtîkî birasno şarî. Tecrîd tena nîno vateyê qedexekerdişê pêvînayîşê awiqatan û keyeyan. Sîstemêko hîna hîra yo.”

Ma do vera tecrîdî meydanan de biqîrê

Maçînî dîyar kerd ke, ê do xoverdayîşê vera tecrîdî pîl bikerê û va, “Îqtîdar wazeno vengê  kesanê ke vera konseptê şerî kede danê, polîtîkayan ramnenê û seba haştîye gazîya dîalogî kenê bi hêza polîsan bibirno. Ma naye qebul nêkenê. Kurdî se serrî ra nat xo ver danê. Bi ramitişê tecrîdî, têkilîya dewlete û hiqûqî nêmanena. Xora konseptê şerî yê AKP-MHPyî tam zî no yo. Wazenê vengê her kesî bibirnê. Ma do her ca de vengê xo berz bikerê û biqîrê. Kes nêşkeno vengê ma bibirno.”

‘Tecrîdê Îmaraliyî wedarê’

Maçînî peynî de va, “Tecrîdê Îmraliyî wedarê, polîtîkayanê keyfîyan ra û îşkenceyan ra fek veradê. Ganî girewteyê nêweşî azad bibê. Merdimêk nêweş bo, meeşko îhtîyacîyanê xo bivîno û hepis de bo, no binpaykerdişêko pîl o. Wa çapemenîye, raya pêroyîye û şarê ma bizanê ke, ma do 2023yî de nê îqtîdarê faşîstî binbifînê.”

MA / ENQERA

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.