LÊL AMED
Hewna 8ê Adare de qirkerdişê cenîyan çi heyfo ke domyeno, no ser cigêrayiş û nîqaş hema zî domyenê û do bidomyê zî la ma vînenê ke eke nê nîqaş û cigêrayiş netîce bidaynê xo ra cenî nêameynê qetilkerdiş. Cenîyan bi aşkere çareserîya nê qetilkerdişan anenê ziwan, no ser zî ganî cenîyan ra rêz bêro nîşandayiş. ‘Azadîya cenî, binkeya heme azadîyan a.”, “Azadîya komelî zî gêradayê azadîya cenîye ra ya.” No ser zî tena rojeke nê ganî 365 rojê seba azadîya cenî mucadele bêro dayiş.
8ê Adare seba azadîya cenîyan rojeke bi qiymetir a. Pêroyina dinya û Kurdistan de cenîyan seba na roje zaf bedel dayê no ser zî cenîyan heşm hîs kenê. Taybetî Kurdistan de cenîyan seba azadîya xo zaf mucadele dayê û her tim çeperan de sifte de ca girewtê. No ser zî tarîxê dinya de cayê xo bi qehramanî girewtê.
Şorişê Kurdistanî, şoreşêkî cenî yo. Taybetîya ci zî vîrdozî û mucadeleyêkî bi saxlamî ra yena. Pêroyina Dinya, taybetîya şorişê Kurdistanî weş zanenê û no ser zî bi heyranî seyr kenê. Çar parçeyê Kurdistanî de şaxsê gerîlayê cenîye de şorişê bi tarîxî yenê cuyayiş. No ser kapîtalîst û faşîstan sey pêroyina dinya, Kurdistan de zî sifte cenîyan hedef gênê û qir kenê. Cenîyan yenê qetilkerdiş, her roje zî televizyon û çapemenî de taybetî yenê mojnayiş. Cenî nê tena bi fîzîkî, kultirî û komelî zî yenê qetilkerdiş.
Ewro do bi hezara cenîyan heme bi qadan bar bikê û azadîya xo biqirê la rîyê pandemîye sero zî ra ra çalakîya cenîyan do sey îllegal bêrê nîşandayiş. Çalakîyan de hêrişê do cenîyan bikê û hetta binçiman zî bigê la cenîyan nêtersenê çi bikê cenîyan zî, cenîya do roja xo de azadîya xo û mucadeleya xo ra wayîr bivejê. Cenîyan temînatê ameyoxê merdimayî yê, temînatê ziwanî yê, temînatê dinyayeka weşîkî yê.
Waştişê cenîyan nê yê: “Ganî qanûnê 6284î bêro şuxilnayiş, wara karî de cenîyan ra hêriş û cîyakerî nîro kerdiş, ganî cenîyan bêkar nêmanê, warê temsîlîyetî de seypê yê bêro şuxilnayiş, heqê înan ê kurtajî bêro şinasnayiş, cenîyan wa roja xo ya taybetî (regl) de do nêxebitê, kreşan hewna bêrê akerdiş, Pêameyişê ÎLOyî yê 190î bêro şuxilnayiş, bi zit gêrayişî ra fek bêro veradayiş.)
Pîroz bo 8ê Adare, cenîyê azade ra pîroz bo, ma heme merdimayî ra zî na roja qiymetir pîroz bibo.
