Can dano kerra, herre û daran

Nûçeyên Çand/Huner

sêşem 4 tebaxê 2020 - 09:58

  • Hunermendê peykerî Erdal Tut bi hunerê destan can dano kerra, herre û daran. Tut îfade keno ke kesê ke nê karî kenê ganî tira hes bikerê û bisebr bê. Tut vano: ''Wexto ke ez dest pê karî kena her çî ra verî ez do çita senî viraza hîşê xo de gandar kena.''

Hunermendê peykerî Erdal Tut serra 2016î de dima ke Şaredarîya Amedî rê qeyûm ame tayînkerdene bi qerarnameyî wezîfeyê xo ra ame dûrvistene. Tutî dima taxa Ofîsî ya Amedî de depoyêk vurna kargehê peykerî. Tut tîya de hem peykeran virazeno hem zî perwerdeyê peykerî dano.

Tut îfade keno ke kesê ke nê karî kenê ganî tira hes bikerê û bisebr bibê. Tut vano: ''Wexto ke ez dest pê karî kena her çî ra verî ez do çita senî viraza hîşê xo de gandar kena.''

Erdal Tut qezaya Farqînî ya Amedî ra yo û domanîya xo ra nata hunerî reyde eleqedar beno. Tut vano: ''Ez wexto ke şîya zanîngehî pê hesîyaya ke seba peykerî zî beşêk esto. Ez zêdêr bi kerrayan peykeran virazena. Huner bingeyê komelî yo û vîrê komelî gandar keno. No karê sebir û aramî yo. Ez pêro berheman bi keda destan kena. Ciwanê Amedî zî eleqeyêkê pîlî mojnenî peykerîye. Ez kargehê xo de ge ge viraştişê peykeran musnena înan zî.

Xeyalê min o ke ez peykerê Tahîr Elçîyî biviraza û Sûrê Amedî de ca bikera. Tahîr Elçî sembolê haştîye yo. No zî pê şaredarîye beno. La heyfo ke şaredarîye qîmet nêdana huner.

Hunerê peykeran tim tarîxê ma de estbi. Mîsal peykerê Nemrût û Gobeklî Tepe. Dima ke qeyûmî ameyî pêro peykerê Kurdîstanî texrîb kerdî û cayê ci ra wedaritî. Înan peykerê Ehmedê Xanî, peykerê vîrardişê Roboskî wedaritî. Ganî pêro hunermendê peykerî vera naye wurzê payan ser. Ê wazenê ke vîrê kurdan çin bikerê. Eşkenê peykeran wedarê la nêeşkenê mezgê merdiman bivurnê.''

ANF

parvê bike

   

Yeni Özgür Politika

© Copyright 2020 Yeni Özgür Politika | Mafên belavkirinê parastî ne.