- Merkezê Kultur û Hunerî yê Reqa yo ke hetê Îdareyê Xoserî ra ronîyayo, bi wesîleya ci tîyatroyî ra heta muzîkî mîraso kulturel pawîyeno.
- NÛJIYAN ADAR / OMER HORO
Dima ke Reqa destê DAÎŞî ra ame xelisnayene, tede xebatê kultur, huner û perwerdeyî zî aver şîyî. Merkezê Kultur û Hunerî yê Reqa yo ke hetê Îdareyê Xoserî ra ronîyayo, bi wesîleya ci tîyatroyî ra heta muzîkî mîraso kulturel pawîyeno.
Hemsereka Merkezê Kultur û Hunerî Hîva Îbrahîmî ANFyî rê qala xebatanê înan kerde. Hîva Îbrahîm da zanayene ke merkez de warê edebîyat, tîyatro, folklor, resim, muzîkî de perwerde û xebatî bi hawayêkê kolektîfî yenê kerdene. Hîva Îbrahîm vist vîrî ke wextê rejîmê BAASî de kurdî nêeşkayî huner û kulturê xo bimojnê û erebî zî nêeşkayêne bê destûrê rejîmî têbigêrê. Hîva Îbrahîm vat: ''Bi îlankerdişê Îdareyê Xoserî şarê ma hînî eşkenê bi kulturê xo biciwîyê. Îdareyê Xoserî wextêk tîya de merkezêk nabi ro la cerganê Cebhet El Nûsra merkez rijna. Azadkerdişê Reqa ra dima zî Îdareyê Xoserî tîya awan kerd. Tîya de şarî bi azadî kultur û hunerê xo awan kenê.''
Hîva Îbrahîm îfade kerd ke merkezê înan de şarî pîya hunerê xo ber anê û şarê kurd û erebî pîya xebatanê kulturelan kenê. Hîva vat: ''Heta nika ma 100 merdimê pîlî merkezê xo de perwerde kerdî. Her serre Reqa de festîvala domanan yena kerdene. Ma seba festîvale zî 70 domanan perwerde kenê û domanî hunerê xo pêşkêş kenê.'' ANF/ REGA
