Kurdî vernîyê Konseyê Ewrûpayî de yê

Nûçeyên Diaspora

sêşem 11 Çiriyê 2022 - 11:57

Hetê Kurdan ra seba ke tecrîd wedarîyo û Abdullah Ocalan azad bo, vernîyê Konseyê Ewrûpayî de çalakîya roniştişî ameye dest pêkerdiş.

Kurdî bi gazîya KCDK-Eyî Strosborg de ameyê têhet û seba ke tecrîd wedarîyo û Abdullah Ocalan bi fîzîkî azad bo, vernîya Konseyê Ewrûpayî de çalakîya roniştişî ya 4 rojan ameye dest pêkerdiş. 

Dosyayêk do bidîya Konseyê Ewrûpayî

Çalakîya roniştişî hetê koma 100 kesine ya Swîsreyî ra ameye dest pêkerdiş. Mîyanê kome de temsîlkarê xeylê dezgeyan estê. Hetê kome ra do dosyayêk bidîya Konseyê Ewrûpayî. Mîyanê dosya de derheqê rewşa Serekê PKKyî Abbullah Ocalanî de malûmatî estê û binpaykerdişî ca girewtê.

Do CPTyî reyde pêvînayîşêk bibo

Çalakîye de Hemserekê verênî yê DTKyî Hatîp Dîcle û Selma Irmake û parlamentere verênî yê HDPyî Ertugrul Kurkçu, Faysal Sariyildiz, Dîlek Ocalane û Nursel Aydogane zî ca girewt. Heyet do biba beşdarê kombîyayîşê Partîya Çep a Fransayî.

Tedeyîya çalakîye de, heyet do roja çarşemeyî CPTyî reyde pêvînayîşêk bikera.

MERKEZÊ XEBERAN

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.