Danieli: Wa her kes semedê Ocalanî bibo seferber

Avûkat Franco Denieliyo ke hetkarê Wezîrê Karanê Teberî yê Îtalya yo verên o ANFyî rê derheqê rewşa serekê PKKyî Abdullah Ocalanî de qisey kerd.

Avûkat Franco Danieliyî tewirê welatanê Ewropa rexne kerd û wina vat: “Ganî vera tewir û bêvengîya dewletan heme komelî semedê azadîya Ocalanî bibê seferber.”
Franco Danieliyî ard ziwan ke seba ke hukmatê dewrî yê Îtalya bêcesaret bî, Abdullah Ocalan Îtalya ra vejîya û vat,  “O wext heme dewletan her çîya ver waşt têkilîya ekonomîkî ya menfaetî ya mabênê xo û Tirkîya bipawo. Mesele o wext têkilîya Almanya, Fransa û Îtalya bi Tirkîya holbî. Heme welatan semedê menfaetê xo nêverda Ocalan Ewropa de ca bido xo.”

Danieliyî tecrîdî ser o wina qisey kerd: “Şertê tecrîdî yê Îmraliyî hetê xeylêk hetan ra ameyî şermezarkerdene. Şertê zîndanî ke Ocalan tede yo nînê qebulkerdene. Nê şertî heme heqanê merdiman û pêkerdişanê mîyanneteweyî binpay kenê. Sey wextê tepiştişê Ocalanî welatê Yewîya Ewropa û NATOyî semedê menfaetê xo nêwazenê têkilîya xo bi Tirkîya bixeripnê. Coka vera na rewşe bêveng manenê. Nê semedî ra ganî şarî û têgêrayîşê komelê sîvîlî vera tecrîdê serê Ocalanî vengê xo berz bikerê. Kam ke azadîya şaran wazeno, heme komelî ganî semedê azadîya Ocalanî bibê seferber.”

XWEBÛN