Muraceatê Musabeqaya Hîkayeyan a Şerzan Kurtî ameyê dest pêkerdiş

Musabeqa hetê Şubeya Egîtîm-senî ya Êlihî ra yena viraştene.

Musabeqaya Hîkayeyan a Şerzan Kurtî do emser reya 12ine bêra viraştene. Şerzan Kurt 2010î de wexto ke Zaningehê Muglayî de wendekar bi, bi destê polîsan ame kiştene. Musabaqaya Hîkayeyan a Şerzan Kurtî hetê Şubeya Egîtîm-Senî ya Êlihî ra yena viraştene. Muraceatê musabaqaya emserî ameyê dest pêkerdiş. Seba muraceatî tarîxo peyên 1ê Êlule yo. Netîceyê musabeqaye do 12 Teşrîna Peyêne de bêrê eşkerakerdiş.

Şertê beşdarbîyayîşî

Şertê beşdarbîyayîşî wina yê: “Her kes eşkeno bi hîkayeyêk beşdar bo û ganî hîkaye newî ba. Ziwanê musabeqaye Kurdkî û Tirkî yo. Ganî bi malûmatanê tekilîye hîkayeyî bi maîlî bierşawîyê adresê maîlî yê serzankurt2011@gmail.comî. Netîceyî do 12ê Teşrîna Peyêne de bêrê eşkerakerdiş û xelatî do bi merasîmêk bêrê dayene.”

MA / ÊLIH