Hemserekê KCKyî Cemîl Bayikî mesajêk erşawir mîtîngê Dusseldofî rê dîyar kerd ke, ê bê azadîya Abdullah Ocalanî çîyêkna qebul nêkenê.
Seba azadîya fizîkî ya Serekê PKKyî Abdullah Ocalanî Dusseldorf de hetê sazîyanê kurdan ra mitîngêk ame viraştene. Hetê KCKyî ra mesajêk erşawîya mitîng. Hemserekê KCKyî Cemîl Bayikî mesajê xo de bale ante mîsyonê Abdullah Ocalanî û va, “Qederê Tirkîya nê weçînayîşî de destê îttîfaqî de yo. Ganî peynîya îqtîdarê AKP-MHPyî biyarê. Çunke ma bi xoverdayîşê xo peynîya înan ard. Rayber Apo binê şertanê komplo û tecrîdî de xo ver da. Xoverdayîşê ey ver kurdî, cinîyî, sosyalîstî û demokratî aver de şîyê.”
‘Xoverdayîş do dewam bikero’
Bayikî dîyar kerd ke, 50 serrî yo xoverdayîş dewam keno û va, “No xoverdayîş bi xêz û paradîgmaya Rayber Apoyî aver de şi. Na paradîgma çareserîya meseleyanê pêro şaran a. Rayber Apo û kurdî bîyê yew. Kes nêşkeno înan cîya bikero. Rayber Apo 24 serrî yo zîndanê Îmraliyî de yo. Binê tecrîdêkî giranî de yo. Ma 2 serrî yo ci ra xebere nêgenê. Rewşa ey seba xoverdayîşê ma sebeb o. Coka ma ganî Rayber Apoyî birasnê azadîya ci ya fizîkî. Wa hinî her kes bizano ke, ma hinî bê azadîya Rayber Apoyî çîyêkna qebul nêkenê. Xoverdayîşê mayê serran zî do heta serkewtişî dewam bikero.”
ANF/DUSSELDORF
parvê bike
Nûçeyên ku dikare bala we bikşîne
