Dîjîtale kampanya dest pêkerdene

• DBPyî do seba azadîya Serekê PKKyî Abdullah Ocalanî medyaya dîjîtale ser de kampanya bido dest pêkerdene.

DBPyî dîyar kerd ke do medyaya dîjîtale ser de kampanyaya ‘Abdullah Ocalanî rê azadî, meseleya Kurdan rê çareserî’ bido dest pêkerdene. 
Eşkerayîye de ame vatene ke, “Birêz Ocalan, 2020î ra nata nêşkeno keye û awiqatanê xo reyde pêvînayîşan bikero. Tecrîdî ver şer giran beno û bêçareserîye zî xorî bena. Ma vera tecrîdî ‘Rayraşîyayîşê Azadîye yê Pîlî’ da dest pêkerdene û 1ê Sibate ra nata dewe bi dewe, qeza bi qeza û bajar bi bajar dewam keno. Reyna grevê vêşanîye û Nobetê Edaletî zî dewam kenê.
 
Kampanya do 14ê Sibate de dest pêbikera
Ame dîyarkerdiş ke kampanya do 14ê Sibate de dest pêbikera û ame vatene ke, “Seba ke tecrîd bêro wedartiş û meseleya Kurdan bi rayanê demokratîkan bêra çareserkerdiş, ma ganî vateyê xo mecraya dîjîtale ser ra birasnê her ca û vila bikerê. Na seberberîye do ma bera serkewtiş. 14ê Sibate de do bi rayberîya DBPyî kampanyaya hashtagî ya ‘Abdullah Ocalanî rê azadîye, meseleya Kurdan rê çareserîye’ bidîya dest pêkerdene. Ma veng a pêro sazîyanê mîyanneteweyîyan, sendîqayan, partîyanê sîyasîyan, aktîvîstanê heqanê merdiman û hêzanê demokrasî danê ke wa bibê beşdarê na kampanyaya medyaya dîjîtale.” MA / AMED