Goreyê malûmatanê Neteweyanê Yewbîyayeyan, mîyanê 3 serranê peyênan de vêşanîye dila zêdîyaya.
Sekreterê Pêroyî yê Neteweyanê Yewbîyayeyan Antonio Guterresî ard ziwan ke vêşanîye mîyanê hîrê serranê peyênan de dila zêdîyaye.
Guterresî dîyar kerd ke hûmara merdimanê ke kewtê binê tesîrê vêşanîye, mîyanê hîrê serranê peyênan de dila zêdîyaye.
Guterresî bi wesîleya 16ê Teşrîna Verêne Roja Zadî ya Dinya eşkerayîyêke daye û qesawetê xo yê serê zêdîyayîşê hûmara merdimanê vêşanan ard ziwan. Guterresî tweetêk weşana û vat: “Hûmara merdimanê ke kewtê binê tesîrê vêşanîye mîyanê 3 serran de dila zêdîyaya.”
Guterresî pare kerd ke prosesê janê Korona, rîskê şerê mîyanneteweyîyî, şerê Rûsya û Ukrayna hûmara merdimanê vêşanan zêdînaye.
Roja Xida ya Dinya seba fîrazkerdişê ronîyayîşê Rêxistina Zad û Zîretî ya NYyî (FAO) 1945 de amebî îlankerdene.
Raporê 2022yî yê Krîzanê Xida de amebî weşanayene ke 40 welatan de qasê 180 mîlyon kesî binê tehlukeyê vêşanîye de yê. Rapor de Etîyopya, Nîjerya, Sûdan a Başûr û Yemen sey ‘cayê ke vêşanîye tede zaf a’ ameyî mojnayene. Tunus û Cezayîr zî vera meseleya vêşanîye têkoşîn kenê û Afganîstan de rejîmê Talîbanî ra dima krîzê xida xirab beno.
MERKEZÊ XEBERAN
parvê bike
Nûçeyên ku dikare bala we bikşîne
