Hukmatê Elmanya: Hêrişê ke Bakur û Rojhelatê Sûrîyeyî rê benê nînê qebulkerdene

Wezîrê Edaletî yê Elmanyayî Marco Buschmannî derheqê hêrişanê Tirkîya de va, “Nê hêrişan de hiqûqo mîyanneteweyî yeno binpaykerdene.”

Hukmatê Federalî yê Elmanyayî, şerê Îsraîl-Filistînî ser o ame pêser û cewab da persanê parlamenteran. Palamentera Partîya Çepe Clara Bungere derheqê herişanê Tirkîya yê ke Bakur û Rojhelatê Sûrîyeyî rê benê de persî perskerdê.

Clara Bungere Wezîrê Edaletî yê Elmanayayî Marco Buschmennî rê perse kerde û va, “Hêrişanê Tirkîya de sivîlî, doman û cinîyî ameyê qetilkerdiş. Awanîyê sivîlî ameyê bombakerdiş. Birêz Buschmann, şima behsê Îsraîlî kerd û şima va hêrişê ke hiqûqê mîyanneteweyî binpay kenê ganî bêceza memanê. Verî cû zî meslîs dîyar kerdibi ke hêrişê Tirkîya hiqûqê mîyanneteweyî binpay kenê û no amebi raporkerdiş. Birêz Buschmann, sey Wezîrê Edaletî vajê; goreyê şima zî hêrişê ke Bakur û Rojhelatê Sûrîyeyî rê benê de hiqûqo mîyannateweyî nîno binpaykerdiş?”

‘Ganî warê sivîlî meyerê bombakerdiş’

Buschmannî va, “Hetê merdimîye ra meseleya hiqûqê mîyanneteweyî eşkera ya. Ganî warê sivîlî qetîyen raştê hêrişan meyerê. Eke hêrişî winasî bibê, no yeno vateyê binpaykerdişê hiqûqê mîyanneteweyî. Hêrişê winasîyî nînê qebulkerdene. Derheqê mesele de destê mi de malûmatê hîrayî çin ê. La waranê sivîlan rê hêrişkerdene binpaykerdişê hiqûqê mîyanneteweyî yo.”

Cipersayîş do bêro akerdene?

Vateyanê Buschmannî ra dima Bungere va, “Hêrişanê Tirkîya hetê merdimîye ra sey binpaykerdişê hiqûqê mîyanneteweyî vînayîş muhîm o. Çira hema Serdozgerîya Federale derheqê hêrişan de cipersayîş anêkerdo?” Burschmannî va, “Akerdişê cipersîyayîşî berpirsîyarîya Serdozgerîya Federale de ya.Ez do derheqê mesele de înan ra perse bikerê û dima şima reyde pare bikerê.”

MERKEZÊ XEBERAN