Serekê Filistînî Mahmud Abbasî dîyar kerd ke Hamas şarê Filistînî temsîl nêkeno û tek temsîlarê şarê Filistînî Rêxistinê Xelisîyayîşê Filistînî yo.
Goreyê xebera ajansê xeberan ê Filistînî Wafaye, Serekê Filistînî Mahmud Abbasî Serekê Venezeelayî Nicolas Maduroyî de bi telefonî qisey kerdo.
Abbasî qiseykerdişê xo de vato, “Ganî hêrişê Îsarîlî cade vinderê. Ganî Filistînîjî bêrê pawitene, seba Xezzeyî korîdorê hetkarîyeya merdimîye abibê û seba şarî awe, ceyran û sotemenî bêrê erşawitiş.”
Abbasî dîyar kerd ke eke şar bi zor mecburê barkerdişî bibo do no bibo felaketo pîl. Abbasî dîya kerd ke ê vera kiştişê sivîlan ê û her di hetan rê zî gazîye kerde ke wa girewteyî, yesîrî û sivîlî bêrê veradayîş.
‘Hamas Filistînî temsîl nêkeno’
Abbasî dîyar kerd ke ê vera şîdetî yê û va, “Hamas şarê Filistînî Temsîl nêkeno. Çareserîya sîyasî eşkenê verê îşxalî bigera. Tek temsîlkarê şarê Filistînî bi qerar, bername û polîtîkayanê xo Rêxistinê Xelisîyayîşê Filistînî yo. Polîtîkayê rêxistinanê bînan nîyê.”
MERKEZÊ XEBERAN
