Nêeşkîya qala şîdetî bikera

Nûçeyên Cinî

în 24 tîrmehê 2020 - 11:23

Fatma Altinmakasa ke tecawuzî ra dima kişîyaye seba ke tirkî nêzanayêne û qereqol de açarnayoxî çinbî, nêeşkîya qala şîdetî bikera.

Fatma Altinmakasa ke dadîya 6 domanan bîye û digane bîye, hetê birayê mêrdeyê ci S.A. ra amebî tecawuz kerdene. Fatma 13ê temmuze de şîye qereqolê cendirmeyan û gerreyê S.A. kerd. 

Ame zanayene ke Fatmaya ke tirkî nêzanayêne wexto ke îfade dayêne qereqolî venga açarnayoxî/e nêda. Qeydê îfadeyê Fatma de rewşa perwerdeyê ci sey 'wende' nusîyena la Fatma nêzanayêne ke biwana. Seba ke Fatma nêeşkîya qala şîdeto ke marûza ci bîya bikera îfadeyê ci de derheqê derbkerdişî de qalêke çin a. 

La dma ke Fatma wedarîyey morg eşkera bi ke ameya derbkerdene. Goreyê raporê Tipê Edlîyî lingî û leşê Fatma derban ra bîyî mor.

 Birayê Fatma Altinmakas Mîr Bedirxan Ayaz derheqê babete de vat: ''Waka mi nêeşkîyayêne bi tirkî derdê xo vaja. Facîyaya pîl a ke qereqolî venga açarnayoxan nêda. Waka mi nêzanayêne ke derb çita ya yan zî zorbazîye çita ya. Coka nê nêvatî. La raporê Dezgehê Tipê Edlîyî de nê pêro vejîyayî werte.'' 

Se bibî? 

Dewa Qêranlî ya qezaya Milazgirî ya Mûşî de Fatma Altinmakas hetê birayê mêrdeyê ci S.A. ra amebî tecawuzkerdene. Fatma 12ê temmuze de şîye Qereqolê Cenirmeyan ê Konakkuranî û gerreyê serebûtî kerd. Dima S.A. ame destbendkerdene. La seba S.A. 13ê temmuze de vera dîya. A roje Fatma Altinmakas hetê mêrdeyê xo K. Altinmakasî ra ameye qetilkerdene. K. Altnmakas ame tepiştene. 

ANF

parvê bike

   

Yeni Özgür Politika

© Copyright 2020 Yeni Özgür Politika | Mafên belavkirinê parastî ne.