Cinîyî ameyê yadkerdene: Ma çok nêna ro

Cinîyê Kurd ê ke Parîs û Silopîya de ameyê qetilkerdene Êlih de ameyê yadkerdene.

9ê Çeleyî yê 2013yî de Parîs de Sakîne Cansiz, Leyla Şaylemez û Fîdan Dogane ameyê qetilkerdene. Mabênê 2015-2016î de zî Silopîya de Sevê Demîre, Fatma Uyare û Pakîze Nayire ameyê qetilkerdene. Nê cinîyî Êlih de bi eşkerayîye ameyê yadkerdene. Eşkerarîye hetê DEM Partî û DBPyî ra ameye kerdene û xeylê cinîyî bîyê beşdarê eşkerayîye.

Hemsereka DEM Partîye ya Êlihî Mehdîye Demîre va, “Çilaya emabazanê ma raya ma roşnî kena. Ma soz danê înan ke, ma do vera zulmî xover bidê. Ma zîhnîyetê qetlîamkar û dişmenê cinîyan şermezar kenê. Ma çok nêna ro, ma payra yê û xoveradyîşê ma dewam keno. Bedelê ci çi beno wa bibo, ma do xoverdayîşê xo biramnê.”

Hemsereka DEM Partîye ya Êlihî Zeynep Oduncu zî dîyar kerd ke wexto ke pêvînayîşê haştîye bîyêne Qetlîamê Parîsî ame kerdene û va, “Parîs de qetlîam ame kerdene û dima zî Kurdistan de wextê qedexeyanê tebervejîyayîşî de kuçeyan de qetlîam ame kerdene. Parîs de hetê aqilê dewlete ra guleyî nîyayê haştîye ra û cinîyî hedef gêrîyayê. Xoverdayîşê cinîyan ra tersenê. Ma do vera pêro hêrişan xoverdayîşê xo biramnê. Çi beno wa bibo, ma do xover bidê. Mefteyê çareserîye Îmrali de binê tecrîdî de yo. Eke şima wazenê w ana gonî vindera, wa pêvînayîşê Îmraliyî dest pêbikerê.”

Eşkerayîye bi slogananê ‘Cinî, cuye, azadî’ qedîyaye.

MA / ÊLIH