Şîdetê camêrdan vera cinîyan dewam keno. Eşkera bî ke serra 2023yî de 315 cinîyî ameyî qetilkerdene.
KCDPyî eşkera kerd de serra 2023yî de 315 cinîyî bi destê camêrdan ameyî qetilkerdene û 248 cinîyî zî bi hawayêkê şikdarî şîyî heqîya xo.
Platformê ‘Ma do Verê Kişîyayîşê Cinîyan Bigêrê’ (KCDP) raporê xo yê 2023yî eşkera kerd. Goreyê raporî serra 2023yî de hetê camêrdan ra 315 cinîyî ameyê qetilkerdene û 248 cinîyan zî bi hawayêkê şikdarî dinyaya xo bedilnaye.
Rapor de dîya zanayene ke mîyanê 15 serran de qirkerdişê cinîyan zêdîyayê. KCDPyî îfade kerd ke dima ke Peymana Stenbolî amebî wedaritene şîdetê vera cinîyan zêdîya.
Goreyê raporî tewr zaf Stenbol de cinîyî ameyî qetilkerdene. Dima zî Îzmîr û Anqara de. 315 cînayetanê cinîyan ra 8ê ci Mugla de ameyê kerdene û 8 cinîyî zî bi îşkenceyî ameyê qetilkerdene.
XWEBÛN
