Hetê Delegasyonê Cinîyan ê Mîyanneteweyî ra seba tecrîdî Konseyê Ewrûpayî rê zîyaret ame kerdene.
22 aşmî ra nat Abdullah Ocalanî ra xebere nîna girewtene. Naye ver qisewetî zêdîyenê û vera tecrîdî xebatê mîyanneteweyî dewam kenê.
Cinîyan Konseyê Ewrûpa zîyaret kerd
Delegasyonê Cinîyan ê Mîyanneteweyî ra grûbêk, seba Abdullah Ocalanî şîyê Konseyê Ewrûpa. Zîyaretî de muhîmîya fikranê Ocalanî ser o erjnayîşî ameyê kerdene. Ame dîyarkerdiş ke, kesê ke paştî danê fikranê Ocalanî erzîyenê hepis û raştê binpaykerdişan yenê. Reyna heqê hêvîye ser o erjnayîşî ameyê kerdene û ame dîyarkerdiş ke, no heq hetê Tirkîya ra ameyo binpaykerdiş. Hetê heyetî ra ame dîyarkerdiş ke, Tirkîya muqaveleyan binpay kena û seba ke hukman cabiyara makanîzmayêk çin a.
Seba ke hukman ca biyara teda bikerê
Delegasyon mesajê xo de dîyar kerd ke, seba meseleya Kurdan hetê Tirkîya ra fam biba, ganî tedaya komelkî bêra kerdene. Konseyê Ewrûpayî rê gazîye ameye kerdede ke, seba ke Tirkîya qeraranê Mehkemeya Heqanê Merdiman a Ewrûpayî û CPTyî qebul bikera û cabiyara ganî çîyêk bêro kerdene.
Reyna mesajê cinîyan de ame vatiş ke, “Ganî derheqê sihetê Abdullah Ocalanî de malûmatî bêrê dayîş û awiqatanê xo de pêvînayîşan bikero. Nê hetê acîlîyetê merdimîye ra zaf muhîm ê la çi heyf o ke nê heqî yenê binpaykerdiş.”
YENÎ YAŞAM
parvê bike
Nûçeyên ku dikare bala we bikşîne
