Cenevre de sey her hefteyî çalakîye ameye kerdene û ame vatiş ke, “Goş bidê gazîya azadî û haştîye ya şarê Kurdî.”
Çalakîya ke bi waştişê azadîya Serekê PKKyî Abdullah Ocalanî vernîya Ofîsê NYyî yê Cenevre de yena kerdene dewam kena.
Sazîyanê têkildaran rê gazîye
Çalakîye de Hemsereka CDK-Geyî Tuba Yilmaze qisey kerd û va, “25 serrî yo vera Birêz Ocalanî tecrîd yeno ramitene la 35 aşmî yo ke hîna giranêr bîyo. Ma 4 serran ra nata bi çalakîya xo polîtîkayanê tecrîdî teşhîr kenê. Heta Birêz Abdullah Ocalan biraso azadîya xo ma do meydanan de bê. Ganî sazîyê têkildarî berpirsîyarîya xo biyarê ca.”
23yê Kanûne de do Zurîh de rayîrşîayîş bêro kerdene
Yilmaze dîyar kerd ke do 23yê Kanûne serrgêra qetlîamê Parîsî de Zurîh de rayîrşîayîş bêro kerdene û va, “Ma venga şarê xo yê çar leteyê welatî û teberî danê. Ma ganî seba wedartişî tecrîdî tim kuçeyan de bê û xoverdayîşê xo pîl bikerê. Reyna 23yê Kanûne de do seba ke qetlîamê Parîsî bêro zelalkerdiş Zurîh de rayîrşîyayîş bêro kerdene. Ma do sey Komîteya Çalakîye ya Cenevreye çalakîye de cayê xo bigerê.”
MERKEZÊ XEBERAN
parvê bike
Nûçeyên ku dikare bala we bikşîne
