Îtalya de bi hezaran kesî çalakîya ‘Abdullah Ocalanî rê azadî’ de ameyê têhet

Nuştoxo Îtalyan Zero Caldareyî va, “Ma ganî paştî bidê kurdanê ke seba azadîya Abdullah Ocalanî xo ver danê.”

Bajarê Îtalya Brescia de 31 serrî yo hetê Radio Onda d’urtoyî ra çalakîyî yenê kerdene. Emser seba azadîya Abdullah Ocalanî û heqê xoserîya kurdan rojêk ameye abirnayene. Çalakîya ‘Wextê Hêvîye’ de bi hezaran kesî ameyê têhet.

Hetê bi hezaran kesî ra tecrîd ame protestokerdiş

Çalakîye de nîqaşî ameyê kerdene û tecrîd ame protestokerdiş. Nuştoxê xêzeromananê ‘Wextê Hêvîye’ û ‘Heta Şengal vindertiş çin o’yî Zero Calvare û reyna noştoxê ‘Koyo Teyna’yî Chiara Crucciati û Rojbîn Berîtan bîyê beşdarê çalakîyan. 

‘Ma do seba azadîya Abdullah Ocalanî xoverdayîşê xo biramnê’

Berpirsîyarê Burorê Enformasyonî yê Kurdistanî yê Îtalyayî Yilmaz Orkunî tîya de qisey kerd û va, “Abdullah Ocalan 25 serrî verî cû ame Îtalya. Meqsedê ci bi rayîrayê demokratîkan çareserkerdişê meseleya kurdan bî. La bi komployêka m3iyanneteweyî esîr gêrîya. 24 serrî yo zindan de yo û 29 aşmî yo ke ci ra xebere nîna girewtene. Binê tecrîdî de yo. Ma timûtim xoverdayîşê xo ramite. Ma do xoverdayîşê xo timûtim biramê zî. Ma sere de dostanê xo yê Îtalyanan û her kesî silaynenê ke seba Rayber Apoyî mîyanê xoverdayîşan de bê.”

Orkunî ra dima, nuştoxo Îtalyan Zero Calcareyî qisey kerd û va, “Ocalan rayberê şarekî yo. Ganî o hinî azad bibo. Ma ganî paştî bidê kurdanê ke seba azadîya ey xo ver danê.”

MERKEZÊ XEBERAN