Roşnvîran ra Îngîltere rê mektube: Hêrîşanê Tirkîya bivindarnê

• Xeylê kesanê namdaran Serekwezîrê Îngîltereyî Rishi Sunakî rê mektube erşawite û înan waşt wa hêrîşê Tirkîya û Îranî yê ke vera Kurdan benê bêrê vindarnayîş.

Xeylê kesanê namdaran Serekwezîrê Îngîltereyî Rishi Sunakî rê mektube erşawite û înan waşt wa hêrîşê Tirkîya û Îranî yê ke vera Kurdan benê bêrê vindarnayîş.

Hetê Kesanê namdaranê ke mîyanê “Komîteya Kurdistanî rê Haştîye” de ca genê ra, vera hêrîşanê Tirkîya Serekwezîrê Îngîltereyî Rishi Sunakî rê mektubêk ame nuştene. Mîyanê îmzakaranê mektube de ziwanzan Noam Chomsky, Serekê Partîya Karkeran a Îngîltereyî Corbyn, Sekreteyê Komîsyonê Sivîlî yê YAyî Michael Gunter, parlamenteri Kate Osamar, Hywel Williams, Jean Lambert û temsîlkarê sendikaya Unite the Unionî Simon Dubbins û xeylê akademîsyen, rojnameger, nuştox û roşnvîrî estê.

‘Hiqûq yeno binpaykerdiş’

Mektube de nîya ame vatene, “Birêz Serekwezîr; Ma derheqê hêrîşanê Tirkîya û Îranî yê ke vera şarê Kurdî yenê kerdene de nusenê. Hêrîşê ke hetê Tirkîya ra 19ê Teşrîna Peyêne ra nat vera Bakur û Rojhelatê Sûrîyeyî benê û bombardimanê ke Iraqî de benê, hiqûqê mîyannetewîyî binpay kenê. Ma gazîya hukmatê şima kenê ke, wa nê hêrîşî bi eşkera bêrê şerzezarkerdiş. Ganî şima paştî bidê kedanê haştîye û nê hêrî,şanê ke îstîqrarî xeripnenê bivindarnê. Bormandimanî şarê sivîlî ser o bandoran kenê û do xeylê kesî bibê koçber û no zî do bandorê xo zaf cayan rê bibo.”

Hêrîşa Taksîmî

Mektube de ame dîyarkerdiş ke, Tirkîya seba ke vera Bakur û Rojhelatê Sûrîyeyî hêrîşan bikera xo rê hêrîşa Taksîmî mehne kerde û înan va, “Reyna eynî wextan de, Kurdê Îranî raştê hêrîşanê rejîmî ameyê. Cinîya Kurde Jîna Emînî hetê polîsanê rejîmî ra ameye qetilkerdiş û dima protestoyî vila bîyê. Hetê rejîmî ra bajarê Kurdan raşrê hêrîşan ameyê. Sewbîna vera hêzanê Kurdan ê Iraqî hêrîşî ameyê kerdene.”
Gazîye

Dewamê mektube de ame vatiş ke, “Nê her di dewletan verî ra Kurdan rê zulim kerdo û sicîlê înan zaf xirab o. Eke welatê sey ma bêveng bimanê û çîyêk mekerê, do hêrişkarî hîna zêde paştî bigerê û do xeylê sivîlê bînî bimirê û komê sey DAÎŞî newe ra peyda bibê. Seba ke Neteweyê Yewbîyayeyî û dewletê NATOyî vera Tirkîya çîyêk bikerê ke goreyê hiqûqê mîyannetewîyî têbigêra, seba ke vengê şarê Kurdî bieşnawîyo û temsîl bibo û haştîye awane biba, ma gazîye kenê ke çi destê şima ra yeno bikerê.”

Îmzakerdoxî

"John Austin, Prof. Bill Bowring, Julie Christie, Noam Chomsky, Jeremy Corbyn,  Maggie Cook, Prof. Mary Davis, Lord Dholakia, Simon Dubbins, Jill Evans,  Desmond Fernandes, Lindsey German, Melanie Gingell, Christopher Gingell, Prof. Dr. Michael Gunter, Rahila Gupta, Nick Hildyard, Dafydd Iwan, James Kelman, Bruce Kent,  Jean Lambert, Dr. Les Levidow, Elfyn Llwyd, John McDonnell, Aonghas MacNeacail, Mike Mansfield, David Morgan, Doug Nicholls, Dr. Jessica Ayesha Northey, Conor Murphy, Dr Thomas Jeffrey Miley, Kate Osamor, Margaret Owen, Ali Gul Ozbek, Gareth Peirce, Dr. Felix Padel, Maxine Peake, Dr Thomas Phillips, Trevor Rayne, Joe Ryan, Bert Schouwenburg, Tony Simpson, Bertrand Russell, Stephen Smellie, Jonathan Steele, Steve Sweeney, Gianni Tognoni, Dr. Tove Skutnabb-Kangas, Dr. Federico Venturini, Dr. Tom Wakeford, Dr. Derek Wall, Julie Ward, Kariane Westrheim ve Hywel Williams."

MERKEZÊ XEBERAN