Dewleta tirke Cizîre de îstasyonê ceyranî rijna

Ofîsê Enerjî yê Kontonê Cizîye yê Îdareyê Xoserî deerheqê dewleta tirke de eşkerayîyêke daye.

Ofîsê Enerjî yê Kantonê Cizîre ard ziwan ke hêrişanê dewleta tirke ra îstasyonê ceyranî rijîya.

Eşkerayîye de ame parekerdene ke teyarayanê şerî yê dewleta tirke 9 reyî Îstasyonê Ceyranî yê Siwêdî dayo bombayan ver.

Eşkerayîye de dîya zanayene ke Dezgehê Ceyranî û Şîrketa Petrolî yê Rimêlanî zî hêrişan de ameyê hedefkerdene.
Ofîsê Enerjî vat:

“Nê hêrişê vera şaro ke seba ke terorê DAÎŞî biqedîno xo feda keno, sûcanê şerî yê tewr pîlan ra yew o. Ma bêvengîya vera hêrişanê dewleta tirke şermezar kenê. Sebebê nê hêrişan Rûsya û Hêzê Koalîsyonê Mîyanneteweyî yê.”

Ofîsê Enerjî pê hesna ke Îstasyonê Ceyranî yê Siwêdî merkezê îstasyonanê enerjî yê herême bîyo û hêrişanê dewleta tirke de bi temamî şîyo ra.

XWEBÛN