Sazîyê Qamişlo û Hesekêyî: Wazenê mintiqa veng bikerê

Sazîyanê Qamişlo û Hesekêyî derheqê hêrişanê Tirkîya de eşkerayîye kerde.

Hesekê û Qamişlo de hetê sazîyanê Kurd, Ereb, Asûrî, Sûryanî û Ermenîyan ra derheqê hêrişanê Tirkîya de eşkerayîye ameye kerdene û hêrişî ameyê şermezarkerdene

Eşkerayîye de bale ancîyaye hêrişanê Tirkîya ser o û ame vatene ke, “Dewleta Tirkan vera mintiqa bi teyareyanê şerî, bi SÎHAyan û bi topan hêrişan kena. Nê hêrişî zeîfîya ci, nefrete ci yê tarîxîyî ramojnenê û no wehşetê sîstemê ci yê faşîştî yo.”

Dewamê eşkerayîye de ame vatene ke, “Dewleta Tirkan wazena krîzê Sûrîyeyî xorî bikera. Ma zanê ke wazena reyna DAÎŞî gande bikera û destkewteyanê şorişî hedef bigera. Çimeyê cuye hedef gêrîyenê û warê sivîlî, sazîyî û binawanîyî tim yenê bombakerdiş. Polîtîkayê îşxalkerdişî do bêrê pûçkerdene. Çunke paştîdayîşê ma, yewîtîya ma û haştîwazîya ma pêro hêrişan rê bibê cewab.”

Bêvengîya mîyanneteweyî ameye şermezarkene û ame dîyarkerdiş ke do xoverdayîşê azadîye dewam bikero.

Nê sazîyan eşkerayîye de ca girewto:

Lijneya Kultur û Hunerî ya Kantonê Cizîre
Yewîtîya Roşnvîran a Kantonê Cizîre
Yewîtîya Nuştoxan a Sûrîyeyî
Keyeyê Êzidîyan
Yewîtîya Êzidîyan a Sûrîyeyî
Komelê Ermenan ê Bakur û Rojhelatê Sûrîyeyî
Yewîtîya Cinîyan ê Ermenan
Yewîtîya Fotografkaran a Sûrîyeyî
Hereketê Kultur û Hunerî yê Mezopotamyayî (TEV-ÇAND)
Yewîtîya Hunermendan
Komeleya Kultur û Hunerî ya Sûryanîyan
Koma Tîyatro ya Skêtşa
Komeleya Kultur û Hunerî ya Sûrîyeyî
Keyeyê Kulturî
Sazîya Şar û Bawerîyan a Kantonê Cizîre

ANHA