Hêrişanê Tirkîya ver hezar û 232 dewî bê ceyran mendê

Hêrişanê Tirkîya yê ke Bakur û Rojhelatê Sûrîyeyî rê benê ver şar do meeşko xo birasno awe û nê hêrişan ver hezar û 232 dewî bê ceyran mendê.

Tirkîya, 26ê Kanûne ra heta 17ê Çeleyî vera Bakur û Rojhelatê Sûrîyeyî hêrişî kerdê. Nê hêrişan ver sivîlî ameyê qetilkerdiş û warê cuye ameyê texrîbkerdiş.

Heyva Sor a Kurdistanî derheqê hêrişanê Tirkîya de eşkerayîye kerde. Bale ancîyaye xisaro ke peyda bîyo ser o û ame dîyarkerdiş ke seba ke hêrişî vinderê ganî veng bêro berzkerdene.

815 hezar kesî nêşkenê xo birasnê awe

Eşkerayîye de ame vatene ke, “Goreyê malumatan, hêrişê ke ameyê kerdene de hîna zêde binawanîyî hedef gêrîyayê. Hêrişî hîna zêde çimeyanê enerjî rê bîyê çimeyan bînan zî xisar girewt. Kobanî de fakrîkaya çîmentoyî hedef gêrîyaye, îtfaîfe wexto ke adirî hewna kerdêne hêrişêka bîne ameye kerdene. Îstasyonê benzîyê Swedîye yo ke xizmet dayêne 920 hezar kesan, bi temamî xirabe bi. 7 xebatkarê îstasyonî bigiran birîndar bîyê. Teht3id peyda bîyo ke do 815 hezar kesî xo meeşkê xo birasnê awe. 53 tesîsê xaz û petrolî raştê hêrişan ameyê. 9 qezayî û hezar û 232 dewî bê ceyran mendê. Nêweşxaneyî, firinî û sazîyê xizmetî nêşkenê faalîyetanê xo biramnê.” 

Raya pêroyîye ya mîyanneteweyî rê gazîye

Ame dîyarkerdiş ke dinya bala xo daya şerê Îsraîl-Filistînî ser o û Tirkîya no mabên de îhtîyacanê bingeyînan rê hêrişan kena. Ame vatene ke, “Binawanîya sivîle rê hêrişî yenê kerdene. Man ê hêrişan sey sivîlan rê hêrişkerdiş û sey binpaykerdişê hiqûqê mîyanneteweyî vînenê. Ganî raya pêroyîye ya mîyanneteweyî vera nê hêrişanê Tirkîya vengê xo bikera û zor bida Tirkîya ke wa cade hêrişanê xo bivindarna.”

YENÎ YAŞAM