Swîsre û Almanya de çalakîyî: Sehaya hewayî ya Rojavayî wa Tirkîya rê bêra padayene

Çalakîyan de ame d3iyarkerdiş ke ganî sazîyê mîyanneteweyî berpirsîyarîya xo biyarê ca û wa sehaya hewayî ya Rojavayî Tirkîya rê bêra padayene.

Bajaranê Swîsre û Almanya de bi çalakîyan hêrişê Tirkîya yê ke Bakur û Rojhelatê Sûrîyeyî rê benê ameyê şermezarkerdene. Sazîyanê mîyanneteweyîyan rê gazîye ameye kerdene.

SWÎSRE

Bajarê Lozanî yê Swîsreyî de Kurdistanijan û dosyanê ci seba ke hêrişê Tirkîya bêrê vindertene çalaki çalaki kerde. Çalakî, meydanê St Laurentî de ameye kerdene û temsîlkaranê Partîya Karkeran ê Lozanî (POP) û Partîya Sosyalîste zî paştî daye çalakî.

Çalakî de Hemsereka Merkezê Komelê Kurdan ê Demokratîkî yê Lozanî Hatîcê Kandale qisey kerd û sazîyanê mîyanneteweyîyan û dewletan rê gazîye kerde ke wa hêrişê Tirkîya bêrê vindarnayene. Kandale dîyar kerd ke nê hêrişî kewenê mîyanê sûcanê şerî û komelê mîyanneteweyî rê gazîye ameye kerdene.

‘Ma paştî danê xoverdayîşê Kurdan’

Dima Serekê POPî Julien Schwabî qisey kerd û dîyar kerd ke ê paştî danê xoverdayîşê Kurdan û va, “Wextêk ra nata warê sivîlî yê şarê Kurdî hetê teyareyanê Tirkan ra yenê bombakerdene. Kurdî reyna hetê hukmatê Tirkan ra yenê bombakerdene. Heqê ke hetê Neteweyanê Mîyanneteweyîyan ameyê şinasnayene ma ra vanê ke, ma ganî paştî bidê înan ke wazenê qederê xo bi xo tayîn bikerê. Kurdistan de heta çareserîya sîyasî nêba haştîye nîna awankerdene. POP, sere de xoverdayîşê Kurdan û her cayê dinya de paştî dano xoverdayîşê haştîye û demokrasîyî.”

Çalakî ra dima qertê ke do bierşawîyê Îmrali standan de ameyê îmzakerdene.

ALMANYA

Bajaranê Freiburg û Kielî de zî çalakîyî ameyê kerdene. Çalakî de ame waştene ke wa sehaya hewayî ya Bakur û Rojhelatê Sûrîyeyî Tirkîya rê bêra padayene. Çalakîyan de vilaweka ke derheqê hêrişan de amebî hedrekerdene ameye wendene. 

MERKEZÊ XEBERAN