Şaîro pîl Nazim Hîkmet, 120 serrîya xo de bi xeylê çalakîyan yeno yad kerdene.
Nazim Hîkmetî şîîra xo ya verêne 13 serrîya xo de nuşta. Ey dima heta peynîya emre xo fek şîîre ra ranêverda.
Serekê Şîîra serbeste
Nazim Hîkmet rojêk Batûmî de raştê yew şîîra Ruskî yeno û şeklê na şîîre zaf weş bi ey şino. Dima Moskowa de şîîra “Bîbikê Vêşanan” bi şeklê serbestî nuseno û şîîranê xo yê serbestan 1923yî de weşaneno. Nazim 1924î de yeno Tirkîya la semedê şîîranê xo 15 serrî hepis ci rê yeno waştene û naye ser reyna agêreno Moskowa.
Nazim Hîkmet 1950î de kewt efî feka û hepis ra vejîya. Hetê Konseya Haştîye Ya Dinyaye ra na xelate dîyaye Pîcasso, Paui Rubeson, Wanda Jakubuurska, Pablo Neruda û Nazim Hîkmetî. Nerûda seba Nazimî vano, “Wayîrê Nazimî bijejîyê, ma verê ey de şaîr nêhesibîyenê.” Nazim newaşt eskerîye bikero û reyna vere xo da Sovyetan ser. 25ê Temuze 1951î de hemwelatîye ra ame vetene. Naye ra dima kitabê ey açarîyayê xeylê ziwanan û Nazim heme dinya de bi namdar.
Bi wesîleya 100 serrîya ey serra 2002yî hetê Unescoyî ra sey serra Nazimî ameye îlan kerdene. Şaîr, mezelcayê Novodevîçî de defin bi û 5 Çeleyê 2009î de rewe rê hemwelatîye rê ame qebûlkerdiş.
MERKEZÊ XEBERAN
