Çomak: Tenayî qasê bêhiquqîye zor a

• Bêvengîya embazan, kêmîya paştîdayîşî, na bêhiquqîye rê vengê xo mevetiş û tenayî qasê bêhiquqîye dej dano merdimî.

Bêvengîya embazan, kêmîya paştîdayîşî, na bêhiquqîye rê vengê xo mevetiş û tenayî qasê bêhiquqîye dej dano merdimî.

Hîrê rojnamewanan hîrê persê xo şawitê Îlhan Çomakî rê û ey zî hepis ra cewabî dayê nê persan. Rojnamewan Kemal Bozkurtî persê xo de vato, muqtedirî bedilîyenê la rewşa to  eynî manena, ti verba na neheqî xo ver danî û bi nuştişê xo cewab danê înan. Gelo çira to rê na xirabîya zafşêrîk kenê? Îlhan Samî Çomakî niya cewab dayo; “xeylê cewabê na rewşe estê. Muqtedîrî pê edeletî ney pê nêheqîyan pay ra vindenê. Ê xirabîyanê xo rê mehneyan vînenê û pê kanûnan xemilnenê. Mehkûmo nêweş M. Emîn Ozkan çira nîno veradayîş, ez zî eynî sebebî ra nîna veradayîş. Kanûnê mîyanneteweyî binpay benê û cuya ma hetê înan ra yena tirawitiş.”

Akın Olgûnî persê xo de vato, to mucadeleyê xo pê şîîranê xo kerd, ti 27 serrî yo ke zere de yê, seba to mekan û zeman çi îfade kenê. Ti çi manayan danê înan. Çomakî nê persî rê nîya cewab dayo; “merdim nêşkeno bê zeman û mekanî bicuwîyo çi heyf ke. Qewetê zemanî pê şimşêra xirabî birîyeno. Zeman û mekan bêhiquqîye reyde şerîkî kenê û cuya mi kenê talane. Ganî merdim holî zî xo vîrî ra mekero û şîîrnuştişê mi beno ke nê sebebî ra yo. Ez mela eşkena pê şîîranê xo peyê beran bivejîya.”

Gozde Bedeloglû persê xo de vato, kitabê xo yê ‘Qula morceleyan nêxeripnayîş’î de to vato ez hinî cuya teberî tasawir nêkena û no hîso vînbîyaye senî eşkeno bibo şîîre? Çovakî vato; “Edebîyat seba mi bahaneyêk o. Ez pê ey dejanê cuye û nêheqîyan tehnena. Ez pê edebîyatî nêbîya merdimêko bîn la ez pê ey hîna bîya hêzdar. Şîîre û edebîyat kenê ke merdim raştîya cuye û domanîya xo xo vîrî ra mekero.”

MERKEZÊ XEBERAN