Torontoyî de Festîvalê Kulturî yê Kurdan ame viraştene

Festîvalê Kulturî yê Kurdan  reya 18ine ame viraştene.

Bajarê Torontoyî yê Kanadayî de Festîvalê Kulturî yê Kurdan bi şayîyêka pîle ame viraştene. Sîyasetmedarî, hunermendî û xeylê Kurdistanijî beşdarê festîvalî bîyê. Werd û kinc û kolê Kurdan raştê eleqayêko pîl ameyê. 15ê Tebaxe, Egîd û embazê ci ameyê selamkerdiş.

Festîvalî de parlamenterê HDPyî Hişyar Ozsoyî qisey kerd û va, “Erdogan vera Kurdan kewto şer û mîyanê krîzêkî pîlî de yo. înan çimê xo kerdê tarî. Rojava de, Başûr de, Tirkîya û Ewrûpa de, ça beno wa bibo nêwazenê Kurdî wirzê payan ser. Hende zulim kenê, îşkenceyan kenê, çi keweno înan dest? Kes xoverdayîşê x ora fek ra nêverdano. Kurdî pay ray ê û HDP pay ra ya. 100 serrî ra nat Kurdistanî de xoverdayîşêk esto û ma zî temsîlkarê nê xoverdayîşî yê.”

Qiseykerdişan ra dima Koma Artos, Azad Bedran, Mehmet Atli, Hozan Aydin, Rotînda û Serhedo vejîyayê sehneyî ser. Beşdaran govende girewte û festîval bi şayîyêka pîle qedîya.

ANF / TORONTO