Festîvalê Domanan o ke reya 5ine yeno viraştene hetê Hereketê Kulturî yê Hîlala Zêrîne ra ame organîzekerdiş.
Bakur û Rojhhelatê Sûrîyeyî de hetê Hereketê Hîlala Zêrîne ra xeylê xebatê kultur û hunerî yenê ramitene. Hetê Hîlala Zêrîne ra Kobanî de Merkezê Kultur û Hunerî yê Baqî Xidayî de Festîvalê Domanan ame viraştene. Waranê dans, muzîk, tîyatro û şîîre de 21 komî beşdarê festîvalî bîyê.
Domanê ke hêrîşan de merdê ameyê yadkerdiş
Festîval bi payravindertişê rûmetî dest pêkerd. Hetê endama TEV-ÇANDî Gulîstan Elî ra domanê ke hêrîşan de merdê ameyê yadkerdiş. Qiseykerdişî ra dima komî vejîyayê sehneyî ser û înan hunerê xo pêşkêş kerdê.
‘Ma wazenê wayîrê domanan û huneranê înan bivejîyê’
Endama Hîlala Zêrîne Mîrxan Îsmayîle va, “Festîvalê Domanan bi şayîyêka pîle ame viraştiş. Ma wazenê wayîrê domanan û huneranê înan bivejîyê. Seba ke ameyoxêko azad awan bibo, ganî nifşêka azade awane biba. Ma zî xebatanê xo seba na nifşa newîye kenê.”
‘Domanî bîyê keyfweş’
Mîna Şêx Osman a 13 serrî va, “Ez 2 serran ra nat Koma Folklorî ya Şehîd Şîlane de ya. Ma 2 aşmî ra nat seba festîvalî xebitîyenê û perwerdeyan genê. Xeylê domanî beşdarê festîvalî bîyê û hunerî ameyê pêşkêşkerdiş. Domanî zaf bîyê keyfweş coka ez zî pê zaf bîya şa.”
NÛJINHA / KOBANÎ
parvê bike
Nûçeyên ku dikare bala we bikşîne
