Bajarê Almanya yê Hamburgî de bi nameyê ‘Festîvalê Kurdistanî’ festîvalêk yeno viraştene.
Bajarê Almanya yê Hamburgî de ewro saete 18.00 de ‘Festîvalê Kurdistanî’ dest pêkeno. Festîval do bi konserê koma Kurdophone dest pêbikero û deyîrê Rojhelatê Kurdistanî bêrê vatene.
Dima nê konseri do Aynûr Dogan, Kayhan Kalhor û Ensemble Resonanz do konserêkî bidê. Festîval do heta 19ê Teşrîna Peyêne dewam bikero. 18ê Teşrîna Peyêne de do koma Danûk ke hunermendanê Rojavayî ra yena pê, Kayhan Kalhor û Erdal Erzîncan do konseran bidê.
19ê Teşrîna Peyêne de do Seîdê Goyî û Sarya Aktaşe deyîranê dengbêjîye vajê. Sewnîna Alî Dogan Gonultaş, Mavîş Guneşer, Ahmet Aslan, Emre Gultekîn û Vardan Hovanissiani, Astare Artner û Metîn Kemal Kahramanî do vejîyê sehneyî ser.
Fîlmêk do bêro ramojnayene û panenêk bêro kerdene
Tedeyîya festîvalî de do fîlmê Bahman Ghobadîyî yê ‘Half Monn’ bêro ramojnayene û muzîkê Dêrsimî ser o panelêk bêro kerdene. Panelî de Dr. Martin Greve do derheqê muzîkê Dêrsimî de malumatan bido.
Sazîya HamburgMusik a ke festîvalî organîze kerda, seba bernameyî broşûrêk hedre kerdo. Broşûrî de derheqê dîrok, kultur, cografya, sosyoloji û muzîkê Kurdan de malumatî ameyê dayene.
BÎANET / Ferîd DEMÎREL
parvê bike
Nûçeyên ku dikare bala we bikşîne
