Gimgim de Festîvalê Kultur û Bawerî yê verênî virazîyeno

Nûçeyên Çand/Huner

şemî 13 tebaxê 2022 - 22:32

Gimgimî de Festîvalê Kultur û Bawerîye dest pêkerd. Hemserekê Federasyonê Yewîtîya Elewîyan a Almanyayî Huseyîn Matî va, “Her ca de serdestî kulturanê bînan çin kenê. Ganî vera ney ma organîze bibê.”

Gimgimî de Festîvalê Kultur û Bawerîye dest pêkerd. Roja verêne ya festîvalî de temsîlkarê dezgeyan, sîyasetmedarî û xeylê kesî beşdarê bernameyê festîvalî bîyê. Roja verêne panelêk ameye viraştene.

Panel Eywana Konferansî ya Komeleya Kulturî ya Pîr Sultan Abdalî ya Gimgimî de virazîya. Beşdarê panelî; Hemsereka Komeleyanê Elewîyan ê Demokratîkî Kadrîye Dogane, Hemserekê Federasyonê Yewîtîya Elewîyan aAlmanyayî Huseyîn Mat, Serekê Federasyonê Elewî û Bektaşîyan Mustafa Aslan, Serekê Komeleya Kulturî ya Pîr Sultan Abdalî Cuma Erçe û tarîxnas û nuştox Bulent Felekoglû bî.

‘Tek rayîrê xoverdayîşî organîzebîyayîş o’

Hemserekê Federasyonê Yewîtîya Elewîyan a Almanyayî Huseyîn Matî qiseykerdişê xo de va, “Her ca de kulturê bînî hetê serdestan ra yenê helnayîş. Coka vera serdestan tek rayîrê xoverdayîşî organîzebîyayîş o. Nifşa ma ameye têhet û 1989î de Almanya de organîzebîyayîşê Elewîyan dest pêkerd. Man ê xebatan de dî ke ganî ma paştî bidê yewbînan.”

Serekê Komeleya Kulturî ya Pîr Sultan Abdalî Cuma Erçeyî va, “Ma her roje bawerîya xo rê benê xerîb. Tek merdim zî hinî yeno cemxaneyan. Wazenê ma yewbînî ra cîya bikerê. Hem goş nêdanê waştişanê ma û ma çîyêk ra nêhesibnenê, cemxaneyan ra vanê cumbuşxane û hem zî yenê cemxaneyan.”

Qiseykerdişan ra dima goşratitoxan ra persî ameyê û panel bi pers û cewaban ame qedîyayîş.

PÎRHA / MÛŞ

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.