Çalakîye hetê Mudirtîya Karanê Sosyal û Kulturî ya Beledîyeya Silopîya ra ameya organîzekerdiş û çalakîyî do heta 18ê Êlule dewam bikerê.
Beledîyeyê şarî hetê qeyûman ra îşxal bîyê û tena çend beledîyeyî mendê ke hema bi weçînitoxanê şarî yenê îdarekerdiş. Beledîyeya Silopîya zî înan ra yew a û hem xebatanê xizmetî hem zî xebatanê kultur û hunerî ramnena.
Çalakîya Tîyatro û Domanan a ke hetê Beledîyeya Sîlopîya ameya organîzekerdiş dest pêkerde. Çalakîye de do 7 bernameyî ca bigerê. Tedeyîya çalakîye de do 5 kargeyê domanan, 3 tîyatroyî û dîwanê dengbêjan ca bigerê.
Akerdişê çalakîye, Mehlaya Ofîsî de bi kargehê domanan ame kerdene. Hemserekê Beledîyaya Silopîya Adalet Fîdan û Suleyman Şaylûk zî beşdarê çalakîye bîyê. Doman û keyeyan zî eleqayêko pîl mojna çalakîye. Çalakîyî do heta 18ê Êlule dewam bikerê.
AJANSÊ MEZOPOTAMYAYÎ / ŞIRNEX
parvê bike
Nûçeyên ku dikare bala we bikşîne
