Torra Cigêrayîşê Alternatîfî konferans keno

Hamburg de 7-9ê nîsana 2023yî de hetê Torra Cigêrayîşê Alternatîfî ra konferans bêro kerdene.

Hamburg de konferans de fıkrê Rayberê Şarê Kurdî Abdullah Ocalanî do bêrê nîqaşkerdene.

Şaristanê Hamburgî yê Almanya de bi sernameyê ‘Vervejîyayîşê Modernîteya Kapîtalîste IV: Ma dinyaya xo wazenê! Xo ver bidê, bigêrê û newe ra awan bikerê, perwerdeyê xoserî bikerê û bi rêxistin bê’ konferansêk do bêro kerdene. Konferans de fikrê Ocalanî do bêrê nîqaşkerdene.

Konferans hetê Torra Cigêrayîşê Alternatîfî ra 7-9ê nîsana 2023yî de do bêro kerdene. Torre derheqê konferansî de eşkerayîyêke daye. Eşkerayîye de ame parekerdene ke konferans de tecrubeyê kurdan û felsefeya Rayberê Şarê Kurdî Abdullah Ocalanî beşdaran de do bêrê parekerdene.

Eşkerayîye de wina ame vatene: “Eke ma bieşkê tewirêkê kolektîfî dîyar bikerê, kaoso nikayên eşkeno bibo sebeb ke ma modernîteya demokratîke newe ra awan bikerê la ganî ma nika tay çîyan bikerê. Ma hewceyê cayêkê bînî yê, ma gêrenê dinyayêka bîne. Ma dinyaya xo wazenê.”

Kesê ke wazenê nê adresanê Torra Cigêrayîşê Alternatîfî ser o derheqê konferansî de agahîyan bigêrê:

Twitter: @networkaq

Keyepelê înternetî: www.networkaq.net

Adresê Youtube: youtube.com/@networkaq.

XWEBÛN