Na dinya de yew dara ma: Rencber Ezîz

Nûçeyên Çand/Huner

sêşem 4 tebaxê 2020 - 09:04

  • Vatişêko namdar ê Ezoyî estbi. Vatêne: ''Na diyna de yo darê ma çin a.'' Manaya na cumle zaf giran a. Rencber Ezîzî waştêne vajo ke kurdî bêwayîr, bêdewlet, bêstatu û bêrayber ê. Erdê kurdan îşxal bîyo, ziwanê înan çin bîyo. 

''Ez ken dehway sîyasetî 
Namê Ez' mi kot hukmatî
Vûn Ez remaw şu bin' xetî
Wê Ez o wê Ezîz o!
Nîye pîs o nîye temîz o!
Şarî r' wisar o, tu r' payîz o!''

Rixmo ke şehadetê ey serî ra serrî vîyartî Rencber Ezîz hema zî vîr û zerrîya kurdan de cayê xo yê qîmetînî paweno. Rencber Ezîzo ke mintiqaya Çewlîgî de tira vajîyeno 'Ezo' hîs, fikr û ruhê deyîranê xo ardî heta ewroyê ma. Cuya ey se zafînê kurdan mîyanê xerîbî û xizanîye de vîyarte. Wird çimê ci zî kor bîyî. La no deyîrbazo kurd dima bi çimê kurdan û çimeyê kurdayetîye.
Merdim eşkeno serê sibayî ra heta şanî Ezo ser o qisey bikero. Qam û mezgê ci, fikr û kerdişê ci tim sey ci bîyî. Rencber Ezîzo sewir pêro emrê xo da pêrodayîşê azadîya kurdan. Embazê ey kişîyayî, welatê xo ra surgun bi, bêbextîye çita ya dîye. Heta peynîya emrê xo vatişê raştî ra şaş nêbi û pê veng û sazê xo 'rayîro raşt' mojna. 
Rencber Ezîz sey Cîgerxwînî medreseyan de bi pîl la dima hetê xo yo îdeolojîj vurna bi komunîst. La reyna zî tim seba ey Kurdîstan û azadîya kurdan meseleyê verênî bîyî. Rencber Ezîzî bi kirdkîya ma ya delale deyîrî vatî, nuştî û qisey kerd. Rixmo ke wird çimanê ci zî nêdîyêne tewr nêkewt binê mînetê çewî.
Heyfo ke Rencber Ezîzî hema ke serre ra qij bi dinyaya xo bedilnaye. Ewro hunermend û deyîrbazê kurdî ey sey ozanêkê bêmergî hesibnenê û tewirê ci yê muzîk û cuye xo rê sey mîsal gênê. Bêgûman Ezoyî peyê xo de mîrasêkê şerê azadîye û hunerî verda.
Vatişêko namdar ê Ezoyî estbi. Vatêne: ''Na diyna de yo darê ma çin a.'' Manaya na cumle zaf giran a. Rencber Ezîzî waştêne vajo ke kurdî bêwayîr, bêdewlet, bêstatu û bêrayber ê. Erdê kurdan îşxal bîyo, ziwanê înan çin bîyo. 
Rencber Ezîz laj û tornanê şerwananê Serewedaritişê Şêx Seîdî ra yo. Pê hîkaye û kilamanê Serewedaritişê Şêx Seîdî bi pîl. Deyîranê xo de hesabê bêbextî, zulm, zorbazî û qirkerdişan persa. Wina kerd ke êyê ke ey ra dima ameyî rayîrê ci teqîb kenê.
Ewro Rencber Ezîz, Ezo, Hozan Rencber hem vîrê ma de gandar û zixm o hem zî o bi xo vîrê ma yo. Rencber Ezîz na dinya de dara ma yo ke bezreyê na dare ey ramit, awe ci ey da û gilê ci zî vengê ci yo.

''Miletê ma miletê ma 
Na dinya de yew darê ma çina 
Ez bû serwird semêd şima ya''

parvê bike

   

Yeni Özgür Politika

© Copyright 2020 Yeni Özgür Politika | Mafên belavkirinê parastî ne.