Fûarê Kitaban ê Mezopotamyayî roja xo ya 2yine de yo: ‘Bîrgeh’ ame nîqaşkerdene

Panelî de kitabê ‘Bîrgeh’î ame nîqaşkerdene û tedayê ke OHAL de sazîyanê Kurdan rê bîyê ameyê qiseykerdene.

Fûarê Kitaban ê Mezopotamyayî roja xo ya 2yine de dewam keno. Eywana Dîcleyî yê merkezî de bi sernameyê ‘Almanakê Hafizaye û OHAL-KHK’yî panelêk ame viraştene. Kitabo ke hetê Helîn Bozarslane ra tedayê ke wextê OHALî de sazîyanê Kurdan rê bîyê ser o ame hedrekerdene ser o nîqaşî ameyê kerdene. Helîn Bozarslane, aktîvîstê TJAyî Xecê Şene, rojnameger Hakki Boltan û Koordînatorê MA Muzîkî Şerko Kanîwar sey panelîstan bîyê beşdarê panelî.

Nuştoxe Bazraslane dîyar kerd ke Tirkîya wazena bi cayî ra dûrîvistene, sirgun û asîmîlasyonî komelêkî neweyî awan bîkera. Coka ma waşt bi raya foto-dokumanterî xebatêka nîyanêne hedre bîkerê. 

Aktîvîst Xecê Şene behsê xoverdayîşê cînîyanê Kurdan kerd û dîyar kerd ke bî destê qeyûman padayîşê sazîyan qetlîamo komelkî yo.

Boltanî va, “Wextê OHALî de vera çapemenîya azade tedayî zêdîyayê û komeleyêk ameye padeyene. Tena çapemenîya azade raştîyan neqlê komelî kena. Sebebê tedayan zî no yo. Seba ke hafızaya komelkî vîndî meba, ma do heta peynîye xoverdayîşê xo bîramnê û bixebîtîyê. 

Şêrko Kanîwarî dîyar kerd kê OHAL qedîyayo la konserî yenê qedexekerdene û va,”Wazenê xebatanê kulturê Kurdan asteng bîkerê. Hetê polîsan ra ewro pêro standî ameyê qeydkerdene. Seba weşanxaneyanê Tîrkî ney, no seba weşanxaneyanê Kurdkî yeno kerdene. Faşîzm reyna karê xo keno.”

Panel, bi beşa pers û cewaban ame qedîyayîş.

MA / AMED