Akbaş: Xeyalê ma yew ê, ma pêro azadîye wazenê

Nûçeyên Çand/Huner

duşem 14 îlonê 2020 - 11:47

Hunermend Mehmet Akbaşî roportajê xo de muzîkê kurdkî û qefilnayîşê MKMyî ercnayî.

Mehmet Akbaşî ard ziwan ke hunermendî azad û sey xo yê. Akbaşî vat: ''Îdeolojîyî şekil danê rejîm, îqtîdar, hukmat û têgêrayîşan. Xora huner zî gênê na çarçewe. Pêro berardişî fikr û bawerîyêke ser o awan benê. Huner cepheyo tewr bihêz o. Huner keno ke azadî û hîsgerîya komelî aver şorê. Huner wayîrê ê potansîyalo ke xoverdayîş, serewedaritiş û hêvî îfade bikero.

Ganî têgêrayîşê kurdan seba hunerî îmkanan biaferno. Hunermendî zî bi hîsê azadîye têgêrenê û parçeyê têkoşînê azadîye yê. Ganî hunermendî terefgîrê sîyasetmedaran nêbê. La ganî bibê aktîvîst. Ganî hunermendî xîret bikerê ke komel têbigêro, bibo yew. Xora xeyalê ma yew ê, ma pêro azadîye wazenê ''

Akbaşî persê derheqê babeta ke rojanê peyênan de bibî rojdem zî wina cewab kerd: ''Bi vatişê hunermend/e serê îdeolojîyan de yo/ya ez qala xoserî û azadîye hunermendan kena. Îfadeyê serê ci yo, tîya mi sey pîlî nêşuxulna, mi sey teberê ci de yo, bi xo yo şuxulna.''

Mehmet Akbaşo ke xeylêk wext MKM de xebitîya, derheqê qefilnayîşê MKMyî de qisey kerd û ard ziwan ke MKM bezreyanê şarê kurdî ra yo ke no şar maruzê tedayan yeno û çîn hesibyeno.

Mehmet Akbaşî vat: ''Rejîmê murtecî û tedakerî hêverî huner û hunermendan kenê hedef. Ez pê bawer a ke kurdî vera naye do bêveng nêbê. Mi 7 serran MKM de muzîk viraşt coka zerrîya mi de tradîsyonê MKMyî esto. Ez seba ke muzîk û kulturê ma dinya de bibê wayîrê statuyêkî xîret kena. Bi nê hawayî vera qefilnayîşê MKMyî tewirê xo mojnena. Ganî ma wina bikerê.''

 

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.