Gerok Mayî ra seba domanan kargeha muzîkî

Nûçeyên Komel û Cuye

pêncşem 9 adarê 2023 - 21:05

  • Gerok Mayî, mehleya Bazarcixî yê Musolarî de seba domanan kargeha muzîkî viraşte.

Zarok MA, MA Muzîk, MKM, Komeleya Kultur û Henerî yê Dîcleyî, Merkezê Kulturî yê Aryenî, Şanowan, Şanoya Bajêr a Amedî, KASED, OSAD ekîba Gerok MAyî de ameyê têhet û şîyê merkezê erdlerze Bazarcixê Mereşî.

Ekîba Gerok MAyî bi erbane û defan kewte mehleya Musolar, domanan reyde ameyê têhet û domanan reyde çalakîyî ameyê viraştene. Keyeyan zî eleqa mojna çalakîyan û hetê domanan ra kayî ameyê kaykerdene. Dima seba domanan kargeha muzîkî ameye viraştene. Hetê domanan ra darbuka û erbaneyî ameyê cinitene û deyîrî ameyê vatene. 

Do şorê Dîlok û Hatay

Kargeha muzîkî ra dima, domanan reyde voleybol ame kaykerdene û ekibe domanan ra xatir waşt. Gerok MA do şoro Nurdaxî, Islahîye, Samandag, Îskenderûn, Antakya û Hatay.

Koordînatorê MA Muzîk Centerî Şêrko Kanîwarî dîyar kerd ke, ê seba travmaya domanan ney seba ke domanan reyde embaztî bikerê gêrenê û reyna dîyar kerd ke, xora nê çalakîyî verê travmayan genê.

‘Huner hêze dano înan’

Kanîwarî dîyar kerd ke, ê bi muzîkî domanan reyde wext vîyernenê û va, “Xebatê kolektîfî, timûtim hêze danê domanan. Xora ma wazenê wa domanî bi hunerî hîna bibê hêzdar û nê prosesî hîna leze bivîyarnê.”

MA / MEREŞ

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.