Kardeş Turkuler 30 serran ra nat deyîranê xo vana

Grûba muzîkî ya Kardeş Turkulere raywanîya xo ya 30 serran bi belgefîlmêk mojnenê heskerdoxanê xo.

Kardeş Turkuler grûbêka zafziwanî û zafkulturî ya. Grûbe bi Kurdkî, Erebkî, Ermenîkî, Rumkî, Gurcîkî û bi xeylê ziwananê bînan deyîrî vatê. Ma deyîranê grûbe de dej û xo ver dayîşanê şaran vînenê. Grûbe nika zî raywanîya xo bi belgefîlmêk wazena bimojna heskerdoxanê xo. 

Çar welatan ra projeyêk

Koordînatorê projeyî Mehmûd Çinar o. No proje binê projeyê ‘Art Interrupted’î de çar welatan de yeno kerdene. Nê welatî; Tirkîya, Yûnanîstan, ErmEnîstan û Gurcistan ê. Belgefîlmê Kardeş Turkulerî zî do bi nameyê ‘Remember’(Vîrameyîş)î mîyanê projeyi de ca girewt. Projeyê ‘Art Interrupted’î wazena vejo meydan ke nê çar welatan de hüner çiqas azad o û hunermend^ş çiqas azad ê. ‘Art Interrupted’î nê projeyi bi paştîdayîşê Weqfa Friedrich Naumannî viraşto û nê belgefîlmî vetê verê temaşewanan.

MERKEZÊ XEBERAN