Baroyan ra gazîya ‘Çareserîya meseleya Kurdan’

Hetê 15 baroyan ra seba ke meseleya Kurdan bi rayîranê demokratîk û haştîyane bêra çareserkerdiş gazîye ameye kerdene.

Hetê baroyanê Agirî, Êlih, Çewlîg, Bedlîs, Dêrsim, Dîyarbekir, Colemêrg, Qers, Mêrdîn, Mûş, Sêrt, Riha, Şirnex û Wanî ra semedê çareserîyê meseleyanê hiqûqî û komelkîyan kombîyayîşêk ame viraştene û netîceya ci ameye parekerdiş. Kombîyayîş 4ê Teşrîna Peyêne de Baroya Agirî de ame viraştene. Vilawela neticeye de meseleya Kurdan sey meseleya bingeyîne ameye dîyarkerdiş.

Vilaweka neticeye de ame vatiş ke, “Çaresernebîyayîşê meseleya Kurdan ver prosesê demokratîkbîyayîşî asteng beno. Eşkera yo ke meseleya Kurdan bi şîdet û polîtîkayanê ewlehîye çareser nêbena. Ganî na mesele bi rayîranê demokratîk û haştîyaneyan bêra çareserkerdiş û seba çareserkerdişê meseleye zî ganî konsensûsêko hîra bêro awankerdiş.”

MA / AMED