Hiqûqnasê mîyanneteweyî derheqê tecrîdî de pêvînayîşan kenê

• Endamanê Delegasyonê Hiqûqnasanê Mîyanneteweyîyan ê Vera Tecrîdî Amed de derheqê tecrîdî de pêvînayîşî kerdê.

Endamê Delegasyonê Hiqûqnasanê Mîyanneteweyîyan ê Vera Tecrîdî seba ke derheqê tecrîdê Serekê PKKyî Abdullah Ocalanî de pêvînayîşan bikerê ameyê Amed. Heyetê delegasyonî de Îtalya, Îspanya, Swêd, Norveç û Afrîkaya Başûre ra hiqûqnasî est ê. Hetê heyetî ra hêverî OHD ame zîyaretkerdene. Hemsereka Pêroyîya OHDyî Ekîn Yetere, îdarekarê komele û wasîyê Abdullah Ocalanî Mazlum Dînç ameyê heyetî vera. Zîyaretê heyetî de Hemsereka Pêroyî ya OHDyî Ekîn Yetere qisey kerd û derheqê xebatanê komele de malumatî pare kerdê. Reyna derheqê binpaykerdişan, tecrîdê Îmraliyî û rewşa hepisxaneyan de malumatî pare kerdê. 
 
Hiqûqnasan zî bale ante muhîmîya paştîdayîşî ser o. Înan dîyar kerd ke ê tecrîdî û bêhiqûqîyan nêzdî ra teqîb kenê û înan dîyar kerd ke ê do platformanê mîyanneteweyîyan de behsê tecrîdî bikerê. Dima ra zî Komeleya Cinîyan a Rosaye hetê heyetî ra ameye zîyaretkerdene. Hetê Sereka komeleye Sûzan Îşbîlene ra derheqê xebatanê komeleye de malumatî ameyê parekerdene. Endamanê delegasyonî d^yar kerd ke ê do timûtim paştî bidê xebatanê komele.
 
Zîyaretê endamanê delegasyonî do dewam bikerê. MA / AMED