Bi trênan malzemeyo eskerî yeno kiriştiş

pêncşem 4 tebaxê 2022 - 17:14

Wanî de bi seyan wesayîtê zirxinî bi trênan kirişîyayê hetê Îranî.

Wesayîtê zirxinî Gola Wanî ser ra bi ferîbotan kirişîyayê Îskeleyê Wanî. Wesayîtî dima bi trênan kirişîyayê hetê Îranî ser. Kes nêzano wesayîtê zirxinî şîyê kotî. Sewbîna goreyê zanayîşan vagonan de çekî zî estê.

Hukmatê AKP-MHPyî Kurdîstanî çarnayo wareyê şerî. Ê esker û çekanê xo kirişenê Kurdistan. Malzemeyê eskerî bi raya hewa ra, erdî ra û bi trênan yenê kiriştiş. 

Trêna barî Îstanbûl ra kewena raye, yeno Tetwan û tîya ra bi ferîbotan kirişîyeno Wanî. Dima zî nê malzemeyi bi trênan kirişîyenê hetê Îranî. Hêverî trênî seba raywanan ameyêne gurînayîş la bado ke şer bîyo giran, seba kiriştişê malzemeyanê eskerî yenê gurînayîş.

Demanê peyênan de bi seyan wesayîtê zirxinî û malzemeyo eskerî ameyê Îskeleyê Wanî. Nê mazemeyî tîya de ameyê vindarnayîş û dima zî kirişîyayê hetê Îranî ser.

ANF / WAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.