‘Biciwîyo xoverdayîşê Îmraliyî’

în 2 sibatê 2024 - 18:00

  • Startê ‘Rayraşîyayîşê Azadîye yê Pîlî’ Wanî ra dima Qersî de zî ame dayene.

‘Rayraşîyayîşê Azadîye yê Pîlî’, ewro Wan û Qersî ra dest pêkerd. Raryaşîyayîşî de yeno waştene ke tecrîd bêro wedartene û meseleya Kurdan bi rayanê demokratîkan bêra çareserkerdene. Qersî de bi beşdarbîyayîşê Hemverfekê HDKyî Cengîz Çîçek, Hemsereka Pêroyîya DBPyî Çîgdem Kiliçgun Uçare, Hemserekê MED TUHAD-FEDî Kerem Canpolat, Hemsereka Pêroyî ya DEM Partî Tulay Hatîmogûlları, parlamenter û aktîvîstan rayraşîyayîş dest pêkerd.
 Kuçeyanê bajarî ra sloganê ‘Biciwîyo xoverdayîşê Îmraliyî’ berz bîyê. Şar zî paştî da rayraşîyayîşî. Meqsedê rayraşîyayîşî ser o malumatî dîyayê şarî.
 Hemverfekê HDKyî Cengîz Çîçekî va, “Meseleya Kurdan meseleya statuye ya. Azadîya fizîkî ya Birêz Ocalanî berpirsîyarîya ma de ya. No tercîh ney mecbûrîyet o. Ma bi xoverdayîşan rasayê ewro. Eke şarêk seba azadîya xo wurzo payan ser, miheqeq do serbikewo. Serkewtiş para raywanan o. Ma ganî heta serkewtişî rayra şorê. Sîstem wazeno rojdemê m ara dûrî bifîno. Rojdemê ma yo bingeyî Birêz Ocalan o. Heta Birêz Ocalan biraso şaran rayraşîyayîşê ma do dewam bikero. Roja têhetameyîşî do ma rê biba roja azadîye.” (MA / QERS)

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.