Binçimgirewtişî ameyê protestokerdene

Vera binçimgirewtişê sîyasetmedaran Riha de malûmat ame dayene. Ame vatiş ke, “Ma do 14ê Gulane de nê îqtîdarê ceburûtî bierşawê”.

Pirsûs û Îstanbûl de 25 sîyasetmedarî gêrîyaybî binê çimî. Vera nê binçimgirewtişan, hetê DBP û HDPyî ra Riha de malûmat ame dayene û binçimgirewtişî ameyê protestokerdene. Malûmat vernîya awanîya HDPyî ya Rihayî de ame dayene. 

Hemsereka HDPyî ya Rihayî Alîye Kizildarare bale ante weçînitişî ser û va, “Ê se kenê wa bikerê, ma do 14ê Gulane de înan binbifînê. Ma zanitêne ê do mevindê. Wa şarê ma bizano ke, ma do çirey xoverdayîşî ra fek rameverdê. Ma do nê sîstemê ceberûtî 14ê Gulane de bierşawê. Ma do pîya haştîye û cuya newîye awan bikerê.”

Malûmat bi çapikan û sloganan ame qedîyayîş.

MA / RIHA