Bulbul: Ma wazenê rantî biqedînê

• Namzedê Şarederîya Antalya yê DEM Partî Kemal Bulbulî ANFyî rê qala armancan û plananê partî kerde.

Namzedê Şaredarîya Antalya yê DEM Partî Kemal Bulbulî ard ziwan ke ê wazenê Antalya de ferasetê ‘şaredarîye de rant qeder o’ birijnê.
Bulbulî pare kerd ke ê wazenê Antalya de ferasetê ‘şaredarîye de rant qeder o’ birijnê û vat: “Ma çarçewa sîyasetê rayîrê hîrêyînî de wazenê pêro meseleyan çareser bikerê û têkoşînê ma ferasetê îqtîdar û muxalefetî ra wetêr o. Ma nêvat ke tena Amed de sîyaset bikerê. Xora ma do Stenbol, Anqara û Antalya ra zî namzedanê xo bivejê. Ma rê îdareyanê herêmîyan de zî rayîro hîrêyîn esas o. Ma armanc kenê ke bi nê perspektîfî şaredarîyan îdare bikerê.”
Bulbulî bale ante ser ke Antalya hetê tarîx, cografya û ekonomîya xo ra eşkena seba paradîgmaya şaristanê demokratîk û ekolojîkî biba nimûne û vat: “Şaredarîya Antalya de rantêko pîl est o. Wina bîyo ke şar seke no rant qeder o qebul keno. Ma do nê ferasetî birijnê. Ma wina bikerê ke şaredarîye rantî ra bixelisnê, waranê turîzm û zîretî de hîna aver berê. Şar do bivîno ke bê rantî zî şaredarîyêke yena îdarekerdene. Şaredarîya Antalya ma do bikerê yê cinî, ciwan û şaran. Antalya de meseleyê sey binawanîye û resayîşî est ê. Wextê şaredarîyanê AKP û CHPyî de nê meseleyî nêameyî çareserkerdene la ma do na mesele çareser bikerê.”XWEBÛN