‘Rayîrşîyayîşê Azadîye’ rê silayîye: Cinîyî do tecrîdî bişiknê

Hetê TJAyî ra ‘Rayîrşîyayîşê Azadîye’ rê silayîye ameye kerdene û ame dîyarkerdiş ke cinîyî do tecrîdî bişiknê.

TJA, Amed de derheqê Rayîrşîyayîşê Azadîye yo ke do ver bi Gemlîkî 18ê Teşrîna Peyêne de bibo eşkerayîya çapemenîye kerde. Endamê MED TUHAD-FED, DBP, HEDEP û Meslîsê Dayîkanê Haştîye bîyê beşdarê eşkerarîye.

‘Tecrîd her ca ra vila bi’

Hemsereka MED TUHAD-FEDî Emîne Kaya va, “Bi tecrîdê mutlaqî vera Kurdan hiqûqê dişmenîye yeno ramitene. Îqtîdar wazeno tecrîdî her ca ra vila bikero. Wazenê çareserîya demokratîka meseleya Kurdan tecrîd bikerê.”

‘Ganî tecrîd bido rojdemê bingeyî yê cinîyan’

Kaya va, “Cinîyanê Kurdan ser de polîtîkayê şerî yenê ramitene. Destkewteyê cinîyan hedef gêrîyenê. Nêwazenê cinîyan qet yew warî de bivînê û wazenê cinîyan cuye ra tecrîd bikerê. Faîlê ke vera cinîyan sûcan kenê bi zirxê bêcezaverdişî yenê pawitene. Ma ganî bizanê ke nê kerdenî tecrîdî ra cîya nîyê û ma ganî tecrîdî bikerê rojdemê xo.”

‘Hêza bingeyî ya ke do tecrîdî bişikna hêza cinîyan a’

Kaya peynî de va, “Cinîyî mecbûr manenê ke waranê xo yê cuye terk bikerê, rayanê koçberîye de raştê tewir-tewir zulmî yenê. Ma ganî vera tecrîdî xoverdayîşê xo berz bikerê û hêza bingeyî ya ke do tecrîdî bişikna hêza cinîyan a. Azadîya fizîkî ya Birêz Ocalanî rojdemê ma de ya.”

Kaya gayîye kerde û va, “Seba çareserîya demokratîke ya meseleya Kurdan ma azadîya Birêz Ocalanî pawenê. Ma her kesî silaynenê Rayîrşîyayîşê Azadîye.”

MA / AMED